Desioen Erreinura egindako bisitan, Michael Endek sekretu baten berri izan du: gugan dago magia. Rosamarino Silber maisu ospetsuak gauza oso garrantzitsu bat irakatsi dio: magia egin nahi duenak, bere desio-indarra erabiltzen jakin behar du. Horretarako, lehenik eta behin, bere benetako desioak zein diren jakin behar du, eta horiek baliatzen ikasi.

Pertsona batzuk oso zoriontsuak dira jaietan, gaueko suak ikustean. Pertsona batzuk oso zoriontsuak dira itsasoko uretan igeri egitean. Eta zu, noiz zara zoriontsua?

Ekiñeri izugarri gustatzen zaio marrazkiak egin eta margotzea. Behin andereñoak esan zion hala jarraituz gero, beharbada egunen batean beraren margo-lanak Guggenheim museoan ikusi ahalko zirela. Baina, Ekiñe marrazkilari fina bada ere, idazten ez du horrenbeste erraztasunik. Dena den, klaserako ipuin bat idatzi beharko du eta irakaslearen gomendioei jaramon eginez, Behin batean idatziko du.

Nor ez da, behin edo behin, haurra izan eta tximinoa dela pentsatu, katua izan eta txotxongilo gisa ikusi bere burua?

Bai, hau katu baten istorioa da. Katakume txiki, nerabe eta, azkenean, gazte baten istorioa.

Baina ez da katu arrunta batena. Ez. Ahizpa bat du. Ama ere bai. Amona izan daitekeen izeba bat ere badu, baina katu honek bere etxean beste inork ez duen beste gauza asko ditu. Ile beltz-beltza, indar gutxi, gorputz txikia eta ahots bitxi-bitxi bat: miau egin beharrean karraska egiten du.

Istripu batek erabat aldatu du Joana eta Bixintxoren bizitza. Joana erregina egin da, denen gogoan dago eta denek dute gogoko. Bixintxo, ostera, baztertuta sentitzen da eta serios, muturluze eta kopetilun dago...

Aspaldi honetan larri dabiltza infernuan: deabruek utebete baino gehiago daramate deabruzko itunik egin gabe. Deabru andreak lurrera igotzea erabakitzen du familiari laguntzeko "lan" bila. Azkenean bikote zoriontsu bat aurkitzen du eta gaizko eta zoritxarreko egiten saiatzen da. Horretarako Belze bidaltzen du lurrera, deabruen Goi Eskolako ikaslerik txarrena, bikote horren bizimodu zoragarria hondatzeko. Baina Belzek gorriak ikusi beharko ditu lurrean...

Poema liburu honetan estilo desberdinetako poemak aurki daitezke; hala nola:
Itsasontzia kulunkan
itsasoa kulunkari.

Eta amaren bihotz samurra
umearentzat opari

Itsasontzia kulunkan
itsasoa kulunkari.

Elurra egin du gaur, eta zuri dago kanpoa, zuri eskolako patioa: zuri-zuri; eta zuritasunaren erdian zuhaitza ere zuri, bakardadean? Eta Ipuin-kontalariak ipuin bat kontatu digu: ELEFANTEAREN ipuina, gelako arbela berrian. Arranopola! Eta zein da gelako arbela berria? Bada, leihoko kristala da arbela berria, eta baita patio zuria ere. Egia, sudur ondoan begia!

Tronpatxo elefante pottoloa zoriontsu bizi da bere ama eta lagunekin, Keniako oihanetan. Azken aldian, ordea, kezkatzen hasia da. Bere tronpa lagunena baino ttikiagoa da. Tronpeok laguntzen dio zuhaixkak ipurditik ateratzen, baina Tronboik eta Tronpetak barre ttikiak egiten dizkiote. Gure elefante kumeak ez daki zer egin bere tronpatxo hori luzatzeko.

Euskadin barrena, hara eta hona, ibai eta mendien gainetik hegan, hemen jan, han lan egin, haraxeago dantzatu…; bertso xumeen bidez lurra hartu, eta azalpen labur batzuk irakurri ahal izango dituzu, gure hainbat leku gogoangarri oroitzeko.