Kaxa karratuan eskua sartu, eta atera dugu barrutik ez untxi bat, karta bat baizik. Eta harrituta geratu gara Ipuin-kontalariarekin.
Arraioa! A zer nolako magoa den! A zer nolako gauzak sortzen dituen!
?Kote, kote, kote, zer ote, zer ote?? Bada, imajinazio eta kreatibitate ikusgarria erabilita, gutxiena espero duguna agertuko digu, txundituta utzi arte gu denok.

Txorok arazo larri bat du: nagusitan zer izango den jakin nahi du, ezin baina asmatu. Iritzia aldatu du behin eta berriz. Irakasle izatea gustatuko litzaioke, baina kamiolari izatea ere ez legoke gaizki, edo dendari bestela... Asmatuko al du azkenenan? Ea Txiru txirulak zer kantatzen digun.

Hugok, gogoz kontra bada ere, larunbatean amonaren etxera joan beharko du lo egitera. Han, jolasean ari dela, zarata kirrinkari bat entzungo du. ¿Nork edo zerk egin du zarata hori?

Hau Bastian eta Adelaren istorioa da. Herriska berean hazi ziren elkar ezagutu gabe, baina egun batean begi berriez begiratu zioten elkarri. Galiziako herri bateko bizitzaren istorioa da, bertako jende eta pertsonaiena, lurra eta magiarena, amodio eta bakardadearena, min eta pozezko istorioa.

Aspaldi honetan larri dabiltza infernuan: deabruek utebete baino gehiago daramate deabruzko itunik egin gabe. Deabru andreak lurrera igotzea erabakitzen du familiari laguntzeko "lan" bila. Azkenean bikote zoriontsu bat aurkitzen du eta gaizko eta zoritxarreko egiten saiatzen da. Horretarako Belze bidaltzen du lurrera, deabruen Goi Eskolako ikaslerik txarrena, bikote horren bizimodu zoragarria hondatzeko. Baina Belzek gorriak ikusi beharko ditu lurrean...

Baleak, planeta honetako animalia handienak, arriskuan daude. Azkenak irla bakarti batean bizi dira. Bertan jolastu eta amets egiten dute, bertan maitatu eta atseden hartu. Arriskua, hala ere, oso hurbil dute, arrantzaleak haien bila doazelako... eta gizakien odol-egarriak ez du mugarik. Baleek ondo dakite hori; horregatik, azken bidaiari ekingo diote. Urrunera joango dira, oso urrunera. Istorio honetan Haundi eta Pott izeneko baleak ezagutuko dituzu: balea zaharra eta balekumea. Horiek izango dira protagonista, kapitain krudel batekin batera. Baleak eta gizakiak aurrez aurre...

Ridelek, liburu hiztunak, Caleri jakinarazi dio hurrengo hazia Tule Parkean dagoela; alabaina, lau adiskideak haren bila doazenean, hura jendez beteta dagoela ohartuko dira. Caleri ideia bat bururatu zaio, etsi-etsian: gau horretan bertan, gazteluetatik ihes egingo dute, haren bila joateko. Baina ez dakite norbaitek segada jarriko diela, eta horrek euren agitekoa bertan behera uztera eraman ditzakeela...
Nork egin die traizio? Eta zergatik erabaki du alkateak Curielen buruari prezioa jartzea? Zoaz Calerekin eta haren adiskideekin abentura berri honetaz gozatzera, eta haiekin batera, jarri agerian sekretu handi bezain harrigarriak.

Tik-tak, tik-tak, mugitzen da denbora Jonasen iratzargailuan. Tik-tak, tik-tak, denbora aurrera doa, eta Jonas geldi-geldi dago bere ohean, bere gelan, bere etxean. Zer gertatuko ote zaio Jonasi?

Kofi afrikako herri batean bizi den mutiko bat da. Europan bizi diren lehengusu batzuk etorri zaizkio bisitan eta Europa ezagutzeko amorratzen dago. Askotan herriko azokara joaten da amarekin, mangoa eta papaia erostera. Egun batean, azokan dagoelarik, sardinak ekarri dituen kamioi bat ikusi du eta kamioaren atzealdean sartu da itsasoa eta Europa ezagutu nahian. Eta orduan...

Luzia eta Fernando bikiak dira eta beste anaia bikiak bezalaxe nahiko bihurriak dira. Baina bihurriak badira ere, etxeko egoera ez da aldatu beraiengatik, bere gurasoen jokaeragatik baizik.
Azken denboraldi honetan, normalak ziren zenbait gauza arraro bihurtu dira eta Luziak eta Fernandok ez dakite zergatik. Lehenago, den-dena errazagoa zen etxean.

Lucía y Fernando son dos hermanos gemelos, revoltosos como cualquier par de niños, sean o no gemelos.
Sus padres están acostumbrados a sus travesuras, sin embargo, sin saber por qué, la actitud de sus padres cambia. Lo que antes era normal, ahora resulta extraño, y Lucía y Fernando no aciertan a comprender.
Antes, todo era más sencillo en casa. ¿Qué ha ocurrido?