Izenburua irakurtzean, segurasko harritu egin zarela eta ez da gutxiagorako. Baina liburuaren barrualdean sartuz gero, ikusiko duzu nola aitona Koxme gauero-gauero espaloiak biltzen dituen. Baina horretarako Tipolinen laguntza behar-beharrezko du.

Hau Bastian eta Adelaren istorioa da. Herriska berean hazi ziren elkar ezagutu gabe, baina egun batean begi berriez begiratu zioten elkarri. Galiziako herri bateko bizitzaren istorioa da, bertako jende eta pertsonaiena, lurra eta magiarena, amodio eta bakardadearena, min eta pozezko istorioa.

Edurne balea urdin handia da. Kezkatuta dago haur batzuk triste daudelako. Tristuraren zergatia jakiteko honako galdera hau egiten die:
Zergatik zaude triste?

Maritxu jende guztiari beldurra ematen dion armiarma da. Eta zergatik beldurtzen diren jakin nahi du. Liburu honetan zehar hainbat haurrek galdera belberari erantzuten diote: Zeren beldur zara?

Egizu bat Mickey Mousekin eta haren lagunekin, dibertsioz beteriko abentura pilo batean, Mickey filmen bitartez. Liburua
proiektorearekin. Disney Junior telebista saio ezagunean inspiratua, hiru istorio, film proiektore ateragarri bat eta bost
disko eskaintzen ditu kolorez beteriko liburu honek; horrela, irakurri bitartean, 20 irudi proiektatu ahal izango dituzte horman
haurrek. Aldi berean entretenigarriak eta hezigarriak direnez, ikastera ere bultzatzen duten istorioak dira!

Ekiñeri izugarri gustatzen zaio marrazkiak egin eta margotzea. Behin andereñoak esan zion hala jarraituz gero, beharbada egunen batean beraren margo-lanak Guggenheim museoan ikusi ahalko zirela. Baina, Ekiñe marrazkilari fina bada ere, idazten ez du horrenbeste erraztasunik. Dena den, klaserako ipuin bat idatzi beharko du eta irakaslearen gomendioei jaramon eginez, Behin batean idatziko du.

Argi dortoka jaioberria da. Itsasorantz zihoala, faroko argi batek desbideratu zuen. Bere xedea lortzeko nor den ikasi beharko du. Horretarako, bidaia izugarri bati ekin beharko dio, eta hainbat animaliarekin topo egingo du bidean. Argik bere helburua lortuko du?

Bob Esponjarekin ingelesa ikastea dibertigarria da!
Haurrek primeran pasatuko dute, Bob Esponjarekin ingelesezko hitz berriak ikasten. Animaliekin, giza gorputzarekin, elikagaiekin, jantziekin, etxearekin, garraioekin, koloreekin eta zenbakiekin lotutako lexikoa ezagutu ahal izango dute, maiteen duten esponjaren eskutik.
Ezkutuko erantzunak dakartzaten orrietan, haurrek hutsuneak beteko dituzte, eta gero orri ertzetik tiratuko dute, ongi erantzun duten ikusteko. Jarduera dibertigarri horiei esker, hitzak nola idatzi ikasiko dute.
Ikasi ingelesa Bob Esponjarekin ikasteko tresna bikaina da, eta eskolan landutakoa osatzeko eta berrikusteko aukera emango die haurrei.

Ez dakigu noiz gauden, gaur egunean ala etorkizunean, baina badakigu non gabiltzan: Bilbon. Bilbo hau, ordea, oso hiri iluna da, grisa eta tristea, batez ere dirurik ez baduzu eta etxea ordaindu behar baduzu. Hori gertatzen zaio Martin Iriberri ikertzaile pribatuari, baina gaur zortea izan du Metroko zuzendariak lan bat eskaini diolako: tren ero bat harrapatzea.
Istorio honetan nobela beltzetako giroan murgildu eta Bilbo ilun batean zehar ibiliko zara kalez-kale, tabernaz-taberna, galtzaileen eta irabazleen mundu batean. Tren ero eta bidaiari eroagoekin batera, gure ikertzailearekin metroko tuneletan galduko zara.

Zaharren Egoitza leku lasaia da, lasaiegia. Bertan, zaharrek bizitza egiten dute. Hiltzeko oso denbora gutxi falta zaiela uste dute eta horregatik ez dautake itxaropen handirik etorkizunean. Nahikoa da telebista ikustea, jatea, trikotatzea, paseotxoak egitea, lo egitea... eta berriz ere dena errepikatzea. Bisitak ere badituzte, baina oso gutxitan, senideak ez direlako ia inoiz zaharrekin gogoratzen. Egun batean, ordea, telebistak berri harrigarria eman du: asteroide erraldoia dator lurraren kontra eta munduaren azkena izango da. Une horretatik aurrera, bizitza erabat aldatuko da Zaharren Egoitzako lau atso-agurerentzat, Antontxu, Mikela, Boni eta Eukenirentzat.