Os membros da Red Temática de Investigación "Las LiteraturasInfantiles y Juveniles del Marco Ibérico e Iberoamericano" (LIJMI)reúnen neste volume unha serie de traballos baixo o título A narrativa xuvenil a debate (2000 2011). Tras dous artigos teóricos queestabelecen os trazos dominantes na narrativa xuvenil máis recente,ofrécese unha selección de obras publicadas no período estudado,pertencentes ao marco ibérico e iberoamericano e da literaturainglesa, co obxectivo de dar a coñecer obras que destacan pola súacalidade.O volume complétase con vinte e dous comentarios críticospormenorizados, co fin de facilitarlles ao público interesado e aosprofesionais da mediación algunhas claves de aproximación para o usodestas narracións xuvenís na educación literaria. -

Atlántida, Atlantis, Atl. O continente perdido. Moito se ten falado desta terra lendaria sen que aínda hoxe se conseguise demostrar a súa existencia, mais tampouco a súa falsidade. Diríase que os humanos precisamos coma do aire de espazos que desafían o rigor da razón para situarmos neles as nosas arelas máis íntimas, as nosas imaxinacións, tamén as nosas perplexidades.(*CR*)Atl propón un novo achegamento ao asunto da Atlántida desde o eido da creación literaria, mais un achegamento iluminado coas luces converxentes da historia e o mito, a ciencia e a intuición, a crónica e a fábula. A través do retrato dunha sociedade posíbel, no que se lle outorga un forte protagonismo á política, ao desenvolvemento tecnolóxico, ao pensamento e ás rutinas da vida cotiá, e que vén ser unha proxección inevitábel do mundo coñecido, asistimos a un demorado relato de tensións e intrigas que artellan unha explicación non de todo inverosímil dos acontecementos que levaron ao seu tráxico final.(*CR*)Cun certo alento de fondo épico e unha vaga intención exemplarizante nunha novela clásica de acción, Atl aborda asemade unha revisión dos elementos máis comúns da ficción científica, dándolles un novo sentido e xuntándoos nunha mesma trama asombrosamente coherente.(*CR*)Situado nalgún mar do noso interior máis profundo e nun tempo que pode ser calquera, velaí Atl, o continente perdido, esa historia que sempre volve.

Eva F. Ferreira foi a gañadora do Premio do Xurado do VIº Premio de Teatro Radiofónico “Diario Cultural” da Radio Galega pola súa obra Poema sinestésico para tres voces e un can e Marián Bañobre e Santiago Cortegoso Premio da Audiencia coa obra Intercom-baby.(*CR*)O xurado, formado por Evaristo Calvo, actor e director de teatro; Xosé Manuel Pacho Blanco, escritor, gañador da V edición; Camilo Franco, xornalista e crítico de teatro; Roberto Taboada, director artístico do Festival Alt de Vigo; Gloria Ferreiro, xefa de programas da Radio Galega; e Ana Romaní, directora do Diario Cultural, acordou concederlle o premio á obra titulada Poema sinestésico para tres voces e un can.(*CR*)O libro cedé coeditado por Xerais e a Radio Galega, ademáis das obras gañadoras, inclúe os textos e as grabación das dúas obras finalistas Quendas de Zé Paredes e Ironías de Carlos Losada Galiñáns.

Lorena e os seus amigos queren descubrir a orixe das misteriosas bólas de luz que, como pompas de xabón xigantes, flotan sobre o Faro Vello de cando en vez, sen que ningunha persoa maior semelle reparar nelas. O que non imaxinan é que hai un rapaz na vila disposto a evitar que desvelen o enigma, aínda que teña que empregar os medios máis perversos para conseguilo.

Un niño no xardín dirixe unha ollada pausada e contemplativa a un xardín de versos que muda co paso das estacións, onde as flores cantan e falan as fontes; os paxaros sorrín e o xardineiro sementa palabras para recoller poemas.

Cando o doutor Vítor Moldes comeza a traballar na clínica psiquiátrica Beira Verde, ten como primeira paciente a Laura Novo, unha muller coa memoria borrada, que ocupa as horas do día en escribir de xeito compulsivo o seu nome, aferrada a el coma se fose o único resto dalgún naufraxio emocional. Mediante unha terapia innovadora, o doutor consigue que a paciente abandoe a súa prisión interior e comece a lembrar o seu pasado.(*CR*)«Escríbao todo, reviva outra vez o que pasou. Escriba o que non é capaz de expresar con palabras en voz alta. Así irán collendo sentido as lembranzas que agora permanecen enmarañadas na súa memoria.» O doutor conseguirá que Laura rememore todo o que lle sucedeu nos meses anteriores, cando unha escura sombra parecía ameazar a súa vida. Ningún dos dous podía imaxinar que lle estaban abrindo a porta a unha realidade terrible, ao esqueceren que por baixo da tranquilizadora superficie da vida os terrores máis fondos agardan a ocasión propicia para destruírnos.