Vanessa Gutiérrez afronta nesti llibru'l procesu de construcción de la propia identidá nel espaciu acotáu d'una dinastía de muyeres. Usando una voz narrativa dura, sincera y directa aporta a la llectora y al llector una visión (la propia) d'un tema universal, faciendo de pasu un retratu de la esencia menos evidente del matriarcáu asturianu. Creando una atmósfera cuando máxica, cuando cruel, pero siempre auténtica, Gutiérrez aborda con humildá y riqueza de matices un tema tan cotidianu como interesante: el conflictu implícitu en tou crecimientu personal. Baxo'l títulu de «La cama» escuéndese'l llibru seguramente más intensu publicáu hasta la fecha pola autora, una obra única nel panorama lliterariu asturianu escrita baxo'l dictáu d'emociones pures nacíes del conflictu xeneráu pola necesidá del conocimientu propiu, el pesu de les enseñances inculcaes poles antepasaes y l'amenaza omnipresente del futuru siempre inciertu.

Éste nun é un libro namáis que d’acordanzas ou señardá. Tampouco unha maneira d’agardar ó «viaxeiro», porque nun teño presa ningunha por atopalo. Escribino pra dicir que vivo, penso e sinto, e que todo empezóu en 1948, na Antigua (San Tiso d’Abres), cando a primavera derritía a neve nos lousados. Foi o mellor sito do mundo, o qu’a vida me regalóu pra chantar nel reices fondas. E tan fondas as sinto, que tanto da dúnde vaya, hei volver sempre ó meu lugar, á sombra dos pais, dos abolos, do ceo, a veira do río, ás primeiras palabras qu’aprendín, coas que teño qu’andar pola vida e coas que tamén sei dicir: Pan, Acariñar, Dolo, Amistá...

Cuentu en versu pa xente menudo qu'amesta los mieos de siempres (al coco, al home'l sacu, al pesadiellu) coles nueves tecnoloxíes. Guapísimes ilustraciones de Juan Díaz-Faes Díaz.