Nesta ocasión, el xefe la tribu decide que Sidronucu yá ye mayor abondo pa presentase con llanza y pintures de guerra pa facer la gran ceremonia d'iniciación, que consiste en tres pruebes de valor: prender un fueu, facer una foguera na piedra sagrada nel picu El Sueve y volver a la Cueva'l Sidrón con un asturcón xabaz. ¿Podrá el nuesu protagonista superar les tres pruebes?

Lo que más-y presta a Marta ye dir a ver al güelu, que-y cuenta histories de cuando salía a la mar, especialmente la vez que vio al Peludín de Carrandi.

Hailos que dicen que'l nacionalismu asturianu ye un inventu de los últimos trenta años, una simple cuestión de mimetismu, una copia d'otros fenómenos asemeyaos que surdieron al calor del estáu de les autonomíes. Esta afirmación nun puede ser más falsa. Lo que conocemos agora por nacionalismu asturianu; ello ye, la creación y defensa de la personalidá asturiana; ye un fenómenu bien consolidáu nel tiempu. Tien unos antecedentes históricos evidentes y, a lo llargo de los sieglos, demostró una continuidá y una vitalidá prácticamente ininterrumpíes.

«A tolos mios amigos gústa-yos viaxar. Cuando llega la fin de selmana o les vacaciones, siempre se ponen mui contentos porque saben que son los momentosnos que los padres van tar en casa faciendo pequeñes o grandes maletes; y poco depués garrarán el coche y pondránse camín de dalgún llau. A mi tamién me gusten los viaxes, pero non de la mesma manera qu'a la mayoría de xente que conozo. D'otra distinta.»

Pelayu tien muncha imaxinación y esti ye un talentu que lu pue sacar de munchos apuros. Por exemplu, pa xustificar el llegar tarde a clase. Un platillu volante con estraterrestres, una banda pirates y un cuélebre marín son dalgunes de les ocurrencies que-y salen del maxín. Más qu'imaxinar aventures, l'asuntu ta en viviles como si foran verdá y pa eso fai falta una cosa: contales bien.

El fenómenu de la emigración ye parte consustancial de la historia del pueblu asturianu y esi ye´l tresfondu d´esti relatu del poeta astur-mexicanu Fernando Fernández.

Si tolos seres humanos desque'l mundu ye mundu pa ellos ficieran como los antigüos del ferreru y gaiteru de romería John MacMillan, si toos –mesmo los nuestros antigüos– quedaran xeneración tres xeneración nel llugar onde nacieran al mundu, de xuro que la humanidá nun llegara a conocer la civilización, venticinco sieglos depués siguiríemos toos como aquellos tataragüelos neolíticos del escocés MacMillan: puliendo morrillos del ríu o la ribera pa fabricar hachos pa cortar un poco lleña de la biesca cola que calecer o cachiporres pa solmena-y al vecín hostil del pobláu del otru llau del ríu cuando lu pasara cola mesma intención de frañucanos a nós el cráneu. Por suerte l'humanu enxamás foi animal mui sedentariu, siempre tuvo más enclín a correr mundu qu'a quedar encloyáu al calor del llar natal.

Somos homo belicous. Namás que la nuestra especie y les formigues son capaces de facer la guerra. Hai munches especies nes que de cuando en vez hai griesca. Mesmamente, delles viven de matar o otres. Pero la guerra nun ye griesca cenciella. La guerra ye una griesca de munchos contra munchos, y por eso pa facela cada bandu tien que tener la so cohesión, la so organización, la so xerarquía, les sos armes. La guerra nun ye un cabréu momentaniu, hai que la preparar con procuru muncho primero de qu'empiece. Enantes de que s'engafenten los militares, ta'l trabayu de munchos civiles faciendo les armes y los motivos.

Como tando tol día nel infiernu'l demoniu nun s'enteraba de lo que pasaba na tierra, un día decidió mandar a un espía a ver qué yera lo que de verdá pasaba. Escoyó pa esa misión a un esperteyu al que-y fexo una marca en pechu en forma de cruz pa reconocelu depués. Colos informes que-y pasó esti esperteyu diabólicu, el demoniu trazó un plan malváu p'acabar cola allegría de los neños. Pero les coses diben torcése-y un poco.

Daben tochazos y pataes a los echaos y a les mochiles, como si anduvieran a la gueta de daqué. Munches llevantábenles pa que cayera en suelu tolo qu'hubiera dientro. A mi garróme ún peles guedeyes pa que me punxera de pie y tovía me dio un tochazu en culu según corría pa una paré. Vi un mozu cola cara ensangrentada. Vi xente glayar asesinos y fascistes en delles llingües. Después de tratar a pataes les nuestres coses y dexalo too como tres d'una riada, depués de firir a bastante xente, depués de que marcharan con una docena o más, cuasi toos italianos... vi llorar de rabia a muyeres y homes, vi gritar d'indignación, y lo que más me conmovió foi ver al guitarrista, que debía ser inglés, cola guitarra frañida. cantando "Nun nos moverán. ¿Qué ye la globalización? ¿Por qué la globalización de la xente ta en contra de la del dinero?