Ikasgelan daude eta umeak marrazten ari dira nor bere gustukoa. Gure lagunak hodeiak marraztu ditu, eta euria, eta tximistak. Txirrinak jo du eta andereñoak gauzak batzeko eta leihotik ateratzeko esan die. Kanpoan, leihopean, txalupa bat dago umeen zain.

Udalekuak, ibilaldiak, lagun berriak… Zeinen polita! Zeinen atsegina eta gustagarria! Baina beti ez dira izaten udako kontu hauek hain politak eta zoragarriak. Ez horixe! Bestela irakurri Alainek kontatzen digun historia hau. Alain, Itsaso, Maddi, Iratxo eta Eñauten bizipen beldurgarria. Maitasun historiatxoak ere barruan, baina bestelakoak ere bai. Batez ere bestelakoak, beldurrezkoak. Itsasori gauaren erdian bere ohe atzean agertzen zitzaion mutil sonanbulu hura, ez pentsa gero ametsetakoa edo gezurrezkoa zenik! Udalekuak politak izaten dira, baina egunez. Ilargiaren argitan gertatzen direnak, beti ez dira parte onekoak izaten.

Okili-kili hiru senideetatik azkena jaio zen, berandu hautsi zuen arrautza eta ahul samar zegoen, oraindik ondo hazi gabe. Bakarrik bizitzeko garaia iritsi zitzaionean, indar gutxi zeukan, baina gizon batek lagundu zion...

Irati eta Iker ikasgelako lagunekin trenen museoa ikustera joango dira. Museoan daudelarik, tren batean sartuko dira eta handik ezingo dira irten hamaika ibilaldi egin arte. Tren berbera bada ere, aldatuz joango da: Eurotrena, Westren, Trentzania, Trentsilvania... Bisita honetan asko ikasi ez ezik, hamaika abentura biziko dituzte.

Dado elektronikoa eta koloretako fitxak dituen Mondragoren liburu honetan jolas dibertigarrien bost taula aurkituko dituzu, eta horiekin, Mondragoren eta haren adiskide guztien abentura itzelak biziko dituzu.
Eragin dadoari, eta jolastu!

Agapito, ezizeneko mutila bere adineko beste edozien gazteren antzekoa izan liteke, baina bere bizitzako une guztiak anaia biki batekin partetaku behar ditu, eta anaiak berak ez dituen gaitasunak dauzka. Agapitok susmoa du anaia Koldo aingeru guardakoa dela benetan, batez ere koldo desagertu eta dena okertzen hasten zaionetik.

Jonas txikia bakar-bakarrik geratu da etxean, ama dendara jaitsi bitartean. Beldurrak irentsi du Jonas txikia, eta etxeko gauza guztiak ere beldurrez daudela iruditzen zaio. Zeure hozkailua ere beldurtia al da?

Izenburua irakurtzean, segurasko harritu egin zarela eta ez da gutxiagorako. Baina liburuaren barrualdean sartuz gero, ikusiko duzu nola aitona Koxme gauero-gauero espaloiak biltzen dituen. Baina horretarako Tipolinen laguntza behar-beharrezko du.

Hau Bastian eta Adelaren istorioa da. Herriska berean hazi ziren elkar ezagutu gabe, baina egun batean begi berriez begiratu zioten elkarri. Galiziako herri bateko bizitzaren istorioa da, bertako jende eta pertsonaiena, lurra eta magiarena, amodio eta bakardadearena, min eta pozezko istorioa.

Edurne balea urdin handia da. Kezkatuta dago haur batzuk triste daudelako. Tristuraren zergatia jakiteko honako galdera hau egiten die:
Zergatik zaude triste?