Coas palabras e mailos ollos dun neno, o pequeño Iago conta os seus primeiros pasos polo mundo: no colexio, na casa da súa curmá... e en todas partes atopará amigos. -

Coas palabras e mailos ollos dun neno, o pequeño Iago conta os seus primeiros pasos polo mundo: no colexio, na casa da súa curmá... e en todas partes atopará amigos. -

Uxía é unha nena de tres años, amiga de Iago, que tamén ten colecciónpropia. Esperta e espelida protagoniza situacións da vida cotiá xeneralizables. Como na colección Iago, a escritura en primeira persoa e oselementos gráficos crean a sensación de proximidade e afecto co lector. As ilustracións, moi narrativas permítelles aos pequenos seguir a historia eles sós. -

Con protagonistas e episodios reais, Paco Climent arma unha intrigante e poderosa novela (galega de punta a cabo, a xulgar polos escenariose os personaxes) sobre a rapina dos galeóns afundidos en Rande. Un arqueólogo falangueiro, Wenceslao Viñal, e un mozo de quince anos pupiloseu, Pepe Varela, moven Roma con Santiago para impedir que compañías estranxeiras saqueen os tesouros afundidos na baía viguesa. E mesmo buscarán o arrimo do propio Xulio Verne, que nese ano de 1878 se atopa en Vigo, onde recalou, nunha primeira estadía, a bordo da súa goleta Saint-Michel. -

Despois de participar na II Guerra Mundial, o soldado republicano Santiago Balboa regresa a Galicia para proseguir a loita contra a ditadura franquista. Fuxindo da Garda Civil, só e famento, agáchase nos montes de Vigo. Aló vai coñecer a Clara, unha rapaciña cega que todos os días leva a pacer a súa vaca a un clareiro próximo a onde el se acubilla. Grazas a ela, a quen lle relata historias a cambio de alimento, irá recobrando aos poucos a esperanza na vida. Unha novela de tonalidade lírica sobre a derrota, a perda na fe dos homes e a recuperación do sentido de existir. -

A nai, o pai e Coconut sempre lle din a Cocolicot que os crocodilos son afoutos e nunca choran. Así e todo, un día Cocolicot non deu reprimido o pranto, e velaquí o que pasou en Bágoas de crocodilo. -

A Marú, unha nena de sete anos, a dama da gadaña rouboulle ao mago Axóuxere do seu lado. Acompañada polo can Pachín, decide saír na súa procura. Unha viaxe polo tempo pasado e futuro na que terá que descifrar os enigmas da Espiral dos Catro Círculos para dar co paradoiro do mago, confinado en Labirinto. -

Onk é un porquiño que crea pezas de ourivería con bostas fosilizadas.Certo día, fuxindo dun grupo de contrabandistas de bosta, agáchase nunha astronave a piques de despegar. Dende ese momento convértese nun membro máis da tripulación, coa que haberá vivir numerosas aventuras intergalácticas. -

Bonifacio regálalle á súa filla Xiana un conto de palacios. Trátase dun exemplar único e misterioso que ten que devolver antes de catro días. O protagonista dese libro chámase tamén Bonifacio e a súa aventura comeza cando un mensaxeiro lle anunciaque ten que comparecer diante dorei. Pero antes dese encontro vai coñecer personaxes moi peculiares. -

Ao heroe desta historia dicíanlle o tolo, tiña esquecido o seu nome enon sabía a súa idade. Non tiña un can nin nada que tal valese. O tolo viviu nesta punta de rochas que se mete no mar, neste lado da ría, nesta terra tan verde, chuviñenta e, por días, tan melancólica, tan para loucuras mansas. -