El pisu d'enriba

Un problema, una protagonista engafentada, un par de cuyaraes curioses de sentíu, del humor, un plizcu de socioloxía permoderna, xingar el frascu pa mecelo too bien, y tomalo en cuatro o cinco veces. Esa ye la receta d´El pisu d´enriba, un manual pal activista desesperáu y non violentu (polo menos non mui violentu), una manera de ver cómo somos y preguntase por qué somos asina. La historia de Mariví escontra´l ruíu.


Xulio Arbesú (Ll´Entregu, 1957) ye conocíu nes lletres asturianes dende qu´algamara dos presmios de narrativa de l´Academia de la Llingua Asturiana coles noveles Misión Pelayo y Un raposu en Tresmonte. Nel añu 2002 ganó´l premiu ‘Xosefa Xovellanos’ con Potestas, novela que s´interna nel sieglu XII pa contar la historia del conde Gonzalo Pelaiz. Tien tamién publicada una colección de rellatos cortos: Cuentos con neños. Cola presente novela tornó a ganar, xunto con Adolfo Camilo Díaz, el premiu de mayor prestixu na narrativa asturiana.
Recientemente tien desarrollao la so faceta de músicu al encargase de camudar en cantares los poemes de dieciséis poetes del valle del Nalón nel llibru-discu La mina que nun cierra.