9788418567193
RETORNO SEN VOLTA
Xosé Lastra Muruais
Editorial: Alvarellos Fecha de publicación: 30/03/2022 Páginas: 70Formato: 21 x 14 cm.
'Retorno sen volta' é o primeiro libro de poemas dun autor e docente que posúe unha longa traxectoria na defensa da lingua: Xosé Lastra Muruais (A Pontenova, 1952). O escritor logrou con esta obra, en 2021, o Premio de Poesía do Certame Literario de Vilalba, na súa edición número 47. Trinta e tres poemas onde o autor reflexiona sobre o paso fuxidío do tempo e o desexo dun retorno imposible. Sobre a soidade, a dor da perda, mais tamén sobre a paixón amorosa e o desacougo. A poeta Rosalía Fernández Rial afirma no limiar: «Ao anainar este libro entre as mans, lectora, lector, completarás con catarse os ocos do teu baleiro, porque só se pode seguir camiño combatendo a dor con cantos. Sexamos, pois, cómplices dos pequenos himnos cotiáns, tribo verbal, rebeldía fronte á devastación». O libro está ilustrado por Leandro Lamas (Narón, 1973).