A finais de xuño de 1986 Bibiano sae de México para regresar a Galicia, a súa terra natal, que non pisa desde hai medio século. Ese mesmo día, Josefina, a muller coa que casara en 1929, lembra na súa casa de Pontevedra a felicidade e os dramas da súa xuventude. Agora pretende velo para oír dos seus labios as explicacións que leva demasiado tempo agardando.
«Vémonos mañá» é o relato da súa relación e das circunstancias singulares que mudaron as súas vidas, pero non conseguiron cambiar os seus ideais. A historia dunha muller que coñeceu o triunfo e a represión das súas ideas e que loitou incansablemente, sen darse nunca por vencida. E, ao mesmo tempo, o retrato dun home que sempre considerou que a ciencia debía estar ao servizo do progreso e da dignidade humana e que pagou un alto prezo polas súas conviccións.
«Vémonos mañá» presenta nun mesmo plano a resistencia valente e silenciada das vítimas e as accións públicas de quen puxo toda a enerxía en combater a represión. Unha impactante historia de amor e compromiso que amplía o enfoque da loita pola liberdade para mostrarnos o protagonismo feminino na retagarda como a outra cara do ardor bélico na batalla. Unha novela baseada na historia real de Josefina Arruti e de Bibiano F. Osorio-Tafall, que se le co magnetismo da ficción máis trepidante.

NOVELA. CUENTO. NARRATIVA.

O insospeitado xorde do habitual, do cotián, conquístanos e faise inesquecible... É o poder da literatura. Xosé Monteagudo (Moraña, 1965), autor da novela As voces da noticia (Premio Blanco Amor 2002), introdúcenos no misterio dun personaxe engaiolante. Dos anos universitarios ao devalo das ilusións, da mocidade á vida familiar, a través da conversa de dous amigos. A novela tece e destece o fío dunha existencia. Ler Esta historia é volvela a vivir.

Premio de Novela Blanco Amor, 2002. Unha periodista viaxa a unha pequena vila da Galicia interior co propósito de desenlear un crime acontecido dez anos antes. A través da voz das súas testemuñas, a novela vai recreando, de xeito maxistral, as tensións que configuran un mundo autónomo e abafante, ao tempo que reflexiona sobre as máis fondas motivacións humanas cunha linguaxe literaria anovadora.