www.paquebote.com > UXIO
Un dos libros fundamentais da obra poética de Novoneyra nunha nova edición, ilustrada con fotos e acompañada dun CD onde o autor recita moitos dos poemas do libro, entre eles "Vietnam canto" e "Letanía de Galicia". A forza telúrica das montañas do Courel, o vencello do poeta coa terra, o seu compromiso coa cultura galega e cos pobos do mundo na voz inesquecible de Novoneyra.
En Dos soños teimosos agroma a esencia e o sentido da obra e da vida de Uxío Novoneyra. Entre o ensaio, a poesía, o xornalismo, a reflexión e a creación, o poeta vai enfiando o seu pensamento e o a súa concepción da arte a partir das preguntas que lle fai o seu amigo e tamén editor Emilio Araúxo. Dos soños teimosos é un libro central e imprescindible para entender a poesía de Novoneyera, unha das voces máis intensas, renovadoras e salientables da literatura galega.
Desde os poemas da terra á poesía comprometida, da obra caligráfica ás elexías e a poesía amorosa, esta antoloxía recolle tamén a obra menos coñecida de Novoneyra, a dos poemas do Camiño de Santiago.
O historiador Uxío-Breogán Diéguez partiu dunha pormenorizada investigación sobre o material documental e bibliográfico existente para trazar este retrato histórico dun home de personalidade polémica e ata o de agora só parcialmente coñecida. O percorrido vital de Álvaro de las Casas (Ourense 1901-Barcelona 1950) é coñecido sobre todo pola súa estreita vinculación coas mocidades de Ultreya, organización xuvenil que foi un dos berces do galeguismo a comezos do século XX, e pola súa militancia polémica nas fileiras do partido galeguista, no que representou unha tendencia caracterizada por certo extremismo. Este traballo de Uxío-Breogán permite descubrir cuestións ata o de agora pouco estudadas, achegándonos a biografía do personaxe desde diferentes e novas perspectivas: a súa relación coa Casa Real en Madrid ou a etapa final, pero fundamental para completarmos o seu retrato, en Sudamérica.
ECONOMIA.