INFANTIL JUVENIL CATALAN

EDICIÓN LITERARIA-CRÓNICA-.

SERIE ROJA

1ª edición.

INFANTIL JUVENIL GALLEGO

O pensamento lúcido e sen pexas de Suso de Toro exprésase con contundencia e orixinalidade a través das páxinas deste libro. A tensión da imaxinación creadora amósase nos seus aforismos, a súa visión sobre a tradición literaria galega recóllese nos relatos que fai de autores coma Rosalía de Castro, Otero Pedrayo e Álvaro Cunqueiro e a súa capacidade crítica reflíctese na análise dalgunhas cuestións fundamentais da cultura galega, desde a lingua á imaxe de si mesmos que os galegos teñen interiorizada.

Este libro quere ser unha introdución á literatura, aínda que tamén debe ser o relato da conformación dun escritor. Porque escribir literatura é un oficio severo que conforma a persoa, porque un escritor é unha persoa conformada na súa natureza por ese oficio da palabra. Esta é unha visión personalísima da experiencia literaria,
que Suso de Toro quixo compartir. En palabras do propio autor, «escritores e escritoras evolucionan como persoas, no curso do tempo, e como creadores literarios, no curso da súa obra e das súas porfías estéticas. Hai algún momento en que un olla atrás e hai algún momento posterior en que un comprende que a tarefa está feita: aí é cando semella natural compartir, repartir ou, simplemente, contar o vivido e o aprendido».

Tras visitar o seu pai na residencia, o neurocirurxián Ricardo Marzoa está sobrepasado, fóra de si, pésalle en exceso todo o que leva ao lombo: moitos anos, moitas vidas que pasaron polas súas mans e, tamén, algunha morte recente. Está atravesando un momento profesional moi humillante e semella que tamén se atopa confuso coa súa situación persoal. Acaba de armar unha boa lea no hospital, a súa vida muda radicalmente e precisa da axuda urxente dun psicoterapeuta. O seu caso ten moito que ver coas relacións filiais e os conflitos coa autoridade e supón unha enorme carga moral nun momento en que rompe con todo o que o rodea. A de Ricardo Marzoa é, sen dúbida, unha historia conflitiva e chea de intriga que merece ser contada.Suso de Toro ofrece en "Fóra de si" unha narración memorable e sen concesións arredor da identidade familiar, da perda e da culpa, continuando a liña iniciada en obras fundamentais no seu catálogo como "Calzados Lola", "A sombra cazadora", "Home sen nome" ou "Sete palabras". A agardada volta á novela dun clásico do noso tempo.

•

• Suso De Toro (Autor/a). Suso de Toro (Santiago, 1956) é licenciado en Arte Moderna e Contemporánea. En 2003 foille concedido o Premio Nacional de Narrativa. Como narrador publicou: “Caixón desastre” (1983, 1991), relatos, Premio Galicia da Universidade de Santiago; “Polaroid” (1986), relatos, Premio da Crítica Galicia; “Land Rover” (1988), novela; “Ambulancia” (1990), novela; “Tic-Tac” (1993, 2003), novela, Premio da Crítica Española 1994; “A sombra cazadora” (1994), novela; “Conta saldada” (1996, 2017), novela; “Calzados Lola” (1997), novela, Premio Blanco Amor; “Círculo” (1998), relatos; “Non volvas” (2000), novela, Premio da Crítica Española; “Trece badaladas” (2002), novela, adaptada libremente ao cine por Xavier Villaverde co título homónimo (2003) e Premio Nacional de Narrativa; “Morgún (Lobo Máxico)” (2003), novela; “Home sen nome” (2006), novela; “Sete palabras” (2009), novela, “Somnámbulos” (2014), relatos e “Fóra de si” (2018), novela. Escribiu, entre outros, libros de xornalismo e ensaio: “F.M.” (1991), “Camilo Nogueira e outras voces. Unha memoria da esquerda nacionalista” (1991), “O país da brétema” (2000, Xerais 2016), “A carreira do salmón” (2001), “Nunca máis Galiza á intemperie” (2002), “Españois todos” (2004), “Ten que doer” (2004), “Outra idea de España” (2005), “Outra Galiza” (2008), “Inmateriais. Vidas da nosa historia” (2013) e “Humildar. Rituais despois de deus” (2017). Publicou ademais a obra de teatro “Unha rosa é unha rosa” (1997) e “Servicio de urxencias” (2002), guións de televisión.
• IBIC: FICCIÓN Y TEMAS AFINES>FICCIÓN MODERNA Y CONTEMPORÁNEA;

• EDICIÓN LITERARIA>NARRATIVA.

Catuxa fala co fantasma do seu pai despois de que morrera no despacho da súa xestoría, probablemente asasinado por un cliente violento que se dedicaba ao narcotráfico. O fantasma encárgalle que lle entregue a Xermán, de quen lle di que é o seu medio irmán e do que Catuxa nada sabía, unha importante cantidade de cartos se colabora con ela na descuberta do autor do crime.
" Conta saldada " iníciase como unha historia de fantasmas, desenvolvéndose como unha novela trepidante de intriga e acción na que dous rapaces de ambientes sociais moi diferentes asumen os riscos de desentrañar as misteriosas circunstancias da morte do pai, nunha indagación onde tamén mudarán os seus sentimentos ás portas da idade adulta. Este feito, aparecido de improviso nas súas vidas, levaraos a descubrir, como no Hamlet de Shakespeare, que quizais ningún dos dous é como pensaba ser e que deben tomar decisións.