Calendario de parede con doce ilustracións realizadas por Iván R. que rende homenaxe ás escritoras galegas que, ao longo da historia, tiveron que rebelarse contra o silencio e a invisibilización.

Calendario Xerais 2021. Mulleres. Llanos. Calendario fotográfico de parede (30 cm de ancho por 60 cm de alto que inclúe festivos e fases da lúa) con doce fotografías pertencentes ao Arquivo Llanos. O Arquivo Llanos, depositado no Museo Etnolóxico de Ribadavia, está conformado por imaxes captadas por tres xeracións de fotógrafos da mesma familia que, en conxunto, documentan as transformacións da cidade de Vigo e a súas xentes na práctica totalidade do século XX.

Calendario Xerais Traballadoras de Massó 2020.
Calendario fotográfico de parede (30 cm de ancho por 60 cm de alto que inclúe festivos e fases da lúa) con 12 fotografías do arquivo do Museo Massó. Estas doce imaxes realizadas nos anos vinte do século XX recollen o traballo das mulleres na industria conserveira galega.

Calendario fotográfico de parede (30 cm de ancho por 60 cm de alto que inclúe festivos e fases da lúa) con 12 fotografías do fotógrafo José Suárez. Atopamos na obra de José Suárez unha preocupación constante pola xente no medio das súas tarefas cotiás e, máis concretamente, a preocupación polo traballo das mulleres situadas no seu ambiente.

Calendario fotográfico de parede (30 cm de ancho por 60 cm de alto que inclúe festivos e fases da lúa) con 12 fotografías do fotógrafo Jaime de Sousa Guedes Pacheco. O legado fotográfico do Arquivo Pacheco é un prodixio. Ten ese don de ofrecernos a paisaxe urbana primixenia. Mais tamén un tempo e un xeito de vivir. O calendario inclúe un fermoso prólogo da escritora Ledicia Costas.

Calendario fotográfico de parede (30 cm de ancho por 60 cm de alto que inclúe festivos e fases da lúa) con 13 fotografías do fotógrafo Manuel García Castro, MAGAR.
Cada unha destas fotografías de Magar agocha unha historia secreta que podemos rememorar ou imaxinar. Cada imaxe é un microrrelato visual de vidas anónimas e de esforzos ou tristezas colectivas.

Doce fotografías anónimas da cidade da Coruña que constitúen un auténtico tesouro que reflicte a vida, a paisaxe e as xentes da cidade no século XIX. O fotógrafo José Caruncho tratou as imaxes con esmero e Antonio López Mariño explica cada unha coa paixón e cariño que merecen.

Calendario fotográfico de parede (30 cm de ancho por 60 cm de alto) con 13 fotografías da colección Emigración de Alberto Martí. Inclúe festivos e fases da lúa.
Alberto Martí naceu na Coruña o 14 de marzo de 1922 e, aos seus 93 anos, aínda segue en activo ordenando e clasificando os miles de negativos do seu arquivo, que talvez cheguen a un millón. Entre os seus traballos destaca a serie sobre a emigración, da que se coñece unha ducia de fotografías das máis de 200 que tomou nos peiraos da Coruña e tamén en Vigo, após o secuestro do Santa María polo DRIL.
O fotógrafo José Caruncho fixo a selección das fotografía e o prólogo para o calendario Emigración 2016 de Xerais.

Calendario fotográfico de parede con 13 fotografías de Ruth Matilda Anderson e con prólogo de Manuel Rivas. Inclúe festivos, fases da lúa e textos dos diarios de viaxe da propia Ruth Matilda e do seu pai Alfred Theodore Anderson.
A fotógrafa estadounidense Ruth Matilda Anderson desembarcou no porto de Vigo na mañá do 7 de agosto de 1924 acompañada do seu pai Alfred Theodore Anderson. Durante 13 meses, até o 28 de agosto de 1925, cumpriu coa misión encargada por Archer Milton Huntington, fundador da Hispanic Society of America, de fotografar a vida, os costumes, as persoas e as paisaxes de toda Galicia. Percorreu cidades, vilas e aldeas buscando os oficios típicos, os xantares, as festas e todo aquilo que resultase sorprendente.
O 14 de novembro de 1925 volveu a Galicia, nesta ocasión acompañada pola tamén fotógrafa Frances Spalding, para rematar o traballo que lle quedara pendente na Coruña e Pontevedra. Logo pasou uns días en Ourense, de camiño a Zamora, para continuar a viaxe por outras terras o 31 de maio de 1926.
Grazas ao magnífico traballo de Ruth Matilda Anderson, hoxe podemos recuperar a memoria das xentes que habitaron Galicia nos anos vinte do pasado século.