Esta "Antoloxía poética" de Antón Tovar (Rairiz de Veiga, 1921-Ourense, 2004), que reúne textos representativos dos seus sete poemarios galegos, permite que nos adentremos na obra poética dun autor que, en palabras de Delfín Caseiro, responsable da biografía introdutoria, foi "un home desacougado, que semellaba vivir nun pesadelo eterno, intemporal, na procura infatigábel da luz, da calma, da verdade, da felicidade".
As angueiras existenciais da condición humana, que tan acertadamente plasma Tovar nos seus versos, marcan a lectura desta antoloxía. Son versos que nacen do íntimo, que suscitan unha profunda emoción e a reflexión crítica de quen se deixa seducir pola súa lectura. A iniciativa do profesor Xesús Alonso Montero, o Museo da Limia (Vilar de Santos) pon en marcha este libro, en colaboración con Xerais, que rescata unha das voces líricas máis importantes da segunda metade do século XX, precisamente arredor da celebración do centenario do
nacemento de Antón Tovar. O Museo da Limia, con vocación de entidade aberta e dinámica, ten un especial empeño en promover e difundir as creacións que se producen no seu territorio. A Biblioteca da Limia recolle, desde o ano 2018, a produción do poeta da Pereira, Antón Tovar, así como boa parte da creación literaria de máis de cincuenta autores.

Escribiunos entre xuño de 1995 e novembro de 1997. Neles trata os temas que marcan obsesivamente a súa obra poética: Deus, o sexo, a literatura, o propio eu, sempre na procura desa especie de transcendencia atea que impregna toda a obra tovariana.

Un libro radical, no que o poeta amosa toda a súa angustia e decepción ante un mundo que experimenta como dó, dúbida e medo, un mundo que semella o resultado do xogo antolladizo dun Deus culpable e rexeitado fronte ao que o poeta opón o agredoce desexo de non ser.

Esta é unha colección de narracións fortemente tinguidas de elementos autobiográficos. Por elas circulan, con nome suposto ou real, algunhas persoas da vida ourensá contemporáneas do seu autor, ao que non é difícil adiviñar detrás do protagonista dalgúns dos relatos deste libro.

1ª edición.