Monchiña e Floreano lideran un grupo de personaxes que se unen á doutora Peralta para derrotar o coronavirus. A realidade aumentada, a realidade virtual e o mundo real combínanse nesta historia que transcorre entre as Rías Baixas e Compostela, onde ten lugar unha batalla crucial contra a COVID-19.
Botando man dos coñecidos personaxes de Gogue, Alberto Avendaño escribe unha fermosa historia de amor e esperanza, onde o humor nos acompaña para mostrarnos o camiño da solidariedade.
Unha divertida novela onde o realismo máxico do cine de animación se mestura coa divulgación científica.

Falar cos peixes do río, atopar o lobo, bater cunha bruxa, entrar nun paxo enmeigado… Velaquí algunhas das aventuras que vive Coxi a carón do seu can Sol. Ademais disto, o libro garda a sorpresa dun xogo co que poderás vivir cos teus amigos cada un dos capítulos desta divertida historia.

Logo de case vinte anos sen publicar poesía, Texas representa o regreso de Alberto Avendaño a este xénero literario. A colección Dombate de poesía achega aos lectores este novo percorrido poético dun autor sempre sorprendente, orixinal e cun enfoque da poesía que racha barreiras e prexuízos. Unha poesía con protagonistas, que conta historias e denuncia inxustizas. Un libro destinado a tipo de lectores.

Calo, Tino, Turbo e Manuel coñecen a don Matías, un vello de corpo grande e mans inmensas que é dono dunha tenda de animais. Nela hai coellos, hamsters, tordas, papagaios, periquiños, xílgaros, cadelos, monos, peixes e sapoconchos. Don Matías tamén ten un gato, pero este non é para vender, pois forma parte da familia. Os catro aventureiros acabarán facendo algunhas trasnadas, especialmente co gato e cun galo. Pero no fondo non son malos rapaces.