Ucrania ye un país. Un país que tien un nome, que ta habitáu por xente amigo, y otro non tanto, que tien una historia y, seguramente, un futuru. Eso ye «Ucrania y otros nomes de muyer». Países de los que conocemos fechos trescendentales que cambien el rumbu de les trayectories vitales pa siempre. Hai un momentu nel que dalgo o daquién ruempe. Esa xente, lo que protagonizó’l socedíu, dacuando nun se da cuenta nesi instante de que too cambió, de que va cambiar y nada va volver a ser como enantes. Pero pasa.Estes xeografíes con nome femenín constrúinse nun mapa trazáu d’esperances, soledaes, trabayu, frustración, dolor y rellumos de felicidá. Son vides de muyeres. Muyeres qu’avecen a ser complementos circunstanciales del rellatu principal y que nesta ocasión, dende’l so destierru involuntariu de les coses importantes, enséñennos les coses que realmente tienen importancia. Trátase de vivir y facelo caúna lo meyor que pue colo que-y tocó en suerte o en desgracia.

Nun hai vida más especial que la de los seres cotidianos, la de la xente que toos tratamos y nadie conoz de verdá. Esi ye'l secretu que revela Xurde Fernández na colección de relatos que s'axunten nesti volume: la guapura y la grandeza de les muyeres y homes escaecíos. Na Asturies d'hai ventipocos años, nacer, criase y vivir nun pueblu yera un patrimoniu que podía contabilizase nel «haber» de la mayor parte de la xente. Agora qu'esi mundu rural desapaeció –o ta namás sofitáu poles manes solitaries de los vieyos–, l'autor d'esta obra vuelve con aciertu a reconstruyir, hestories y sentimientos tan naturales y tan propios d'aquellos tiempos como la solidaridá vecinal, la crueldá pa colos distintos o la superación constante de la desgracia y la miseria.

Xurde Fernández (Candás, 1975) y Marián García (Xixón, 1975) conócense desque estudiaben Filoloxía na Universidá d’Uviéu. Dende entós socediéron-yos, al empar, bien de coses. Ente elles, enseñar llingua asturiana a escolinos d’Educación Secundaria, Bachiller y Adultos. «El color del escaezu» –novela na que lo real y lo irreal inflúin nel destín del protagonista– ye la so primer obra conxunta.

Nada nun hai más prestoso en segundu cursu d’Educación Secundaria que dir a esquiar a Payares colos compañeros y compañeres del institutu. Berta va facer snowboard y Ariel quier más esquiar. Van esfrutar como verderones, pero Ariel ha andar con procuru porque nun ta portándose bien esti cursu y pue tener una sorpresa. Pero pa sorpresa la que van llevar en viendo a Deva, l’amiga que fixeron dos años p’atrás na nieve de Ponga.Nada nun hai más prestoso en segundu cursu d’Educación Secundaria que dir a esquiar a Payares colos compañeros y compañeres del institutu. Berta va facer snowboard y Ariel quier más esquiar. Van esfrutar como verderones, pero Ariel ha andar con procuru porque nun ta portándose bien esti cursu y pue tener una sorpresa. Pero pa sorpresa la que van llevar en viendo a Deva, l’amiga que fixeron dos años p’atrás na nieve de Ponga.