Entamau por la Conseyería de Cultura, Política Llinguística y Turismo y el Ministerio de Cultura y Deporte, esti volume ofrez una síntesis de la historia social del llinguaxe nel territoriu asturianu dende los primeros nicios prehistóricos hasta l’actualidá, poniendo l’acentu nes claves de la evolución histórica de la llingua neollatina que, de magar la romanización de les tierres al noroeste del ríu Ástura y tres d’un llargu procesu de conformanza na Edá Media, acabó por conocese dende’l sieglu XVI como asturianu. La valoración d’esta llingua dientro y fora d’Asturies, la reflexón intelectual al rodiu d’ella, la so tradición lliteraria o les iniciatives de normativización académica y, en definitiva, la complexa vivencia social d’unes cuantes xeneraciones d’asturianos a cuenta d’ella, espónense nestes páxines con cuenta d’apurri y una base sólida a la necesaria reflexón colectiva sobre un patrimoniu cultural cimeru qu’afronta nesti entame del sieglu XXI una encruciada decisiva. Col sofitu d’abondes ilustraciones (les más yá emplegaes na esposición Voces del añu 2018) esti llibru busca afitar de manera cenciella y accesible un discursu científicu sobre la llingua asturiana que sía quien a integrar de manera crítica les aportaciones d’una yá más que centenaria tradición filolóxica dende dos principios inescusables: la oxetividá del datu y la coherencia nel análisis. Frente a enfoques más marcadamente ideolóxicos enquistaos nel debate públicu sobre la llingua ya incluso en dellos averamientos académicos al respective, asúmese una visión universalista del llinguaxe qu’afirma de mano la plena ya igual dignidá de toles formes de fala y contempla la variedá mesma d’elles como espresión xenuina de les capacidaes humanes pal conocimientu, la creatividá y la empatía social. Propónse con ello una mirada humanista a la llingua asturiana que nun depende del diferencialismu identitariu sinón d’una contrastada convicción racionalista na validez de toa esperiencia histórica.

Xulio Viejo Fernández (Uviéu, 1968) ye doctor en Filoloxía Románica y autor de diverses investigaciones sobre llingua y lliteratura asturianes, como La formación histórica de la llingua asturiana, Llingua y cultura lliteraria na Edá Media asturiano-lleonesa o Pensar asturiano, ente otros llibros, ediciones crítiques y artículos o obres de creación. Como profesor de la Universidá d Uviéu vien poniendo nos últimos años clases de fonoloxía asturiana, materia a la que se-y dedica esti volume, concebíu como un manual introductoriu que sistematiza l conocimientu recibíu de la tradición filolóxica del últimu sieglu. El trabayu atiende colos distintos niveles d análisis a los que se da l estudiu fonolóxicu: dende la caracterización fonética de los soníos del asturianu hasta les propiedaes de la enunciación, pasando per unidaes intermedies (fonemes, sílabes, patrones métricos, etc.), con una perspectiva teórica abierta y en parte novedosa. La descripción del estándar y les distintes variedaes actuales compleméntase con un estudiu evolutivu que mira a dar cuenta del procesu formativu del espaciu llingüísticu asturianu, atendiendo al so aniciu nel llatín de la romanización y al marcu comparativu qu ofrez el conxuntu de llingües romániques, revisando delles propuestes avanzaes en trabayos anteriores.

Los trenta años de Conceyu Bable son una bona sida pa entamar a repasar la historia reciente del asturianismu. Pa ello, Ediciones Trabe quier apurrir los primeros papeles d’aquella asociación histórica, los que se publicaron na revista «Asturias Semanal» ente’l númberu 285, de 23 de payares de 1974 y el 413, del 11 al 18 de xunu de 1977. Cuidamos que puen sirvir como material d’estudiu o como simple entretenimientu pa quien quiera averase a un intensu, apasionáu y apasionante periodu de la nuesa historia más reciente. La presencia ente nós de la mayor parte de los sos protagonistes, y la sensación de que’l llabor entamáu nun se terminó, permite sentir aquella época como tovía cercana y nun la percibir como un tiempu históricu a la manera tradicional; quiciabes por eso seya más difícil consultar les publicaciones o la documentación d’hai tres décades que, por exemplu, la d’a primeros del sieglu XX. A resalvar esti problema pretende contribuir la publicación d’esti tomu, el primeru d’una serie na que queremos recoyer aspectos esenciales del nuesu inmediatu pasáu, que va tener continuidá cola publicación d’un segundu llibru onde se recueyen, tamién en reproducción facsimilar, les «Fueyes Informatives de Conceyu Bable».

A partir de les anotaciones marxinales de la historia (los «araxales», na metáfora qu'usa l'autor), Xulio Viejo reconstruye la memoria perdida de los territorios que-y pertenecen, afilvanando personaxes y aventures que tienen los montes de Quirós, Ventanielles y l'Uviéu intramurios como escenarios principales, pero que se mueven dende les tierres fríes de Noruega hasta les tropicales del África subsaharia'na.El viaxe qu'entama a través del tiempu pelos Ilugares que poblaron la vida del protagonista permíte-y al autor mecer prestoses y documentaes histories antigües (que non por ello dexen de ser increíbles) con un retratu lúcidu y acedu de la sociedá contemporania: de la negritú de los antiguos ástures a Mauregato, el rei nunca muertu qu'ha volver pa rediminos, de los tratos d'aquel gozoniegu colos normandos a Urraca y Gonzalo Peláez, del viaxe de Lord Byron per tierres de Quirós a les cases populares de Ventanielles, d'una carta medieval de donación al empléu precaria de la mocedá agora...Al cabu de cásique una década de silenciu narrativu, Xulio Viejo Fernández (Uviéu, 1968) regresa con esta intelixente, apasionante y divertida novela na qu'echa una mirada burllona al mundu, tratando d'axustar cuentes cola vida, d'entendela y d'esplicala.Enantes publicara «Na llende del condicional perfeutu» (novela, 1990), «Les falcatrúes del demoniu» (Trabe, cuentos, 1992) y «Les etimoloxíes del silenciu» (poesía, 1997).

Asturies vive dándo-y el llombu al so espléndidu pasáu medieval. Prueba d'ello puen ser los siete relatos medievales que se recueyen nesti llibru, orixinalmente concebíos y difundíos en llatín y poco conocíos del públicu. Son testos clericales, pensaos pa xente erudito y enmarcaos na mentalidá medieval, fundamentalmente del sieglu XII, anque d'ún d'ellos hai una primer versión de 1075, y otru llega a nós tresmitíu nuna copia del sieglu XIII. Pero nun se pue descartar qu’estos testos tuvieran na so dómina un aquel de popularidá; en tou casu, como diz Xulio Viejo, taben cargaos d’una fonda ideoloxía llexitimista y imperial: el Reinu asturianu como sucesor del visigodu y, poro, con tol derechu a recuperar les sos vieyes tierres.El llector modernu va topar más d'una satisfacción na llectura d'estos relatos, “singular amiestu d’evidencies incontestables y fabulaciones fantástiques”, según el recopilador.Esti volume de relatos pue entendese dientru d’un trabayu más xeneral del proyectu Historia de la lliteratura asturiana, lleváu a cabu dende la Facultá de Filoloxía de la Universidá d’Uviéu y naz col enfotu de dar a conocer al llector asturianu los testos de la lliteratura medieval astur-lleonesa.Xulio Viejo (Uviéu, 1968), profesor, narrador y poeta, tien publicaes los llibros« Na llende del condicional perfeutu» (novela, 1990),« Les falcatrúes del demoniu» (cuentos, 1992), «Les etimoloxíes del silenciau» (poesía, 1997) y «Los araxales de la vida» (novela, 2001).

Actes del Simposiu Internacional sobre Variación Sintáctica Dialectal que tuvo llugar na Universidá d'Uviéu los díes 22 y 23 de marzu de 2012. Los artículos que apaecen nestes actes son: «La conexión germánico-románica: fenómenos matriz en contextos subordinados» por Francisco Fernández-Rubiera, «Transitividad y afectación en el entorno lingüístico romance y eusquérico» por Anna Pineda, «Estrategias evidenciales y expresión de la fuente de información en gallego: los marcadores gramaticalizados» por Xulio Sousa, «Vocês por vós en el portugués europeo: un fenómeno en auge» por Víctor Lara Bermejo, «Variación sintáctica na transición fronteriza ente’l gallegoportugués y l’asturlleonés. Averamientu a cinco trazos xeodiferenciales» por Ramón d’Andrés «Determinación, especificidad e indefinitud en los determinativos asturianos» por Xulio Viejo Fernández.