«Avisómos una estrella» nun ye otra cosa que l'adaptación pal teatru del cuentu bíblicu del nacimientu de Cristo, pensada pa qu'un puñáu d'escolinos –inclusive los más parvulinos– puedan representala na escuela. L'escenariu, poro, tien qu'adaptase al sitiu del que se disponga: un salón d'actos, un pasiellu anchu, l'aula... en cualquier casu, la puesta n'escena ye mui cenciella.

«Montserrat Garnacho Escayo (Mieres del Camín, 1952) ye una activista de la cultura, cuentacuentos xenerosa y escritora prolífica amás de «caleyera» incansable. Tien una amplia obra publicada, qu'abarca xéneros y temátiques bien distintes: lliteratura xuvenil –«Maruxes y Xuanes, La sal y el formientu, El formientu y la sal (cuando se presenta la ocasión)»– y infantil –«Avisómos una estrella, ¡Coles tripes na garganta!»– o etnógráfica –«Caleyes con oficiu»–. Collaboradora con dellos diarios asturianos, la mina ye una de las temátiques recurrentes na so obra –«Hombres y carbón, Mujeres mineras»–. Como incursión nel mundu del cómic tien publicáu «Constantino Turón», mientres que'l so apegu a la tradición oral y la cultura popular llevóla a recoyer les cosadielles que circulen per Asturies de boca en boca nel volume «Y nun ye picardía...»Pero la so obra nun s'escosa nestos campos porque tien, amás, escritos guiones pa televisión y monólogos, esi xéneru tan asturianu al qu'ella ye a da-y un aire y una mirada nuevos.Con vocación pedagóxica, les obres qu'ufierta a la xente más mozo aúnen siempre l'entretenimientu, arreblagando penriba los pilancos que la sociedá d'anguaño pon a la cultura propia y a la lletra impreso.«A pespunte» ye una obra mui bien afilvanada, na que los cuentos tradicionales tornen n'obrines de teatru pa que l'alumnáu sía a representalos depués de conocelos y tastialos igual que se tastia una bona comida.