Odisea. Volume I

El llibru recueye los 12 primeros cantos, n’edición billingüe nun primer volume, guapamente editáu en tamañu 17 x 24 cm y tapa dura. La traducción ye en versu (hai más de 70 años que nun se fai una torna al castellán en versu, toes son prosificaes), respetando l’orixinal, yá que, masque la poesía d’Homero ye narrativa, ta en versu, versu que Xosé Gago tresllada con maestría al asturianu en versos de 16 sílabes y cinco acentos principales nos que los finales nunca son agudos ni esdrúxulos y que resulta mui averáu al ritmu de la prosa narrativa. Ye esti un llabor fechu con meimu y tiempu a esgaya, pa que dielde y llevante la sencia de los versos inmortales d’Homero, padre de la lliteratura occidental.