Cuentos rusos: antoloxia

Traducíos directamente dende'l rusu, los cuentos d'estos doce autores formen una magnífica antoloxía qu'abarca'l sieglu XIX y los primeros años del XX. Entama'l llibru Puxkin, l'autor románticu que moderniza la lliteratura rusa. Gogol punxo les bases del realismu, onde s'integra Turgenev. Dostoyevski y Tolstói son sobradamente universales. Leskov ye'l representante del costumismu y Chejov sirve de ponte ente'l sieglu XIX y el XX. Bunin, exiliáu en París, recibió'l Nobel en 1933. Sologub y Zamiatin son dos de los maestros del decadentismu. Bábel, partidariu de la Revolución, desapaeció nel estalinismu. Zóxchenko, per últimu, un escritor satíricu, foi acusáu d'antisoviéticu y condenáu al silenciu.