Xente de perende

Con envidiable capacidá de síntesis, notables dotes d'observación y una proverbial memoria, David M. Rivas preséntase a la consideración de los llectores asturianos con un sorprendente llibru de cuentos, verdaderu despliegue de semeyes d'arquetipos d'homes y muyeres entrañables que siguen siendo y comportándose como asturianos ondequiera que s'alcuentren: nuna braña de Tinéu, nun chigre de Madrid o en finlandia. Narráu cola ironía que define l'humor asturianu y col saber que tresmiten los meyores contadores populeres, l'autor asegura que toes y caduna de les histories equí recoyíes sucedieron de verdá, protagonizaes por esa xente de perende que transita peles orielles de la historia.David M. Rivas nació en Xixón en 1957. Ye profesor titular d'Estructura Económica na Universidá Autónoma de Madrid, onde imparte les materies d'Estructura Económica Mundial y de Desendolcu sostenible. Ye profesor y investigador de varios centros d'Europa y América y miembru del Club de Roma. Miembru fundador del Conceyu d'Asturies en Madrid (1976), ingresó na Academia de la Llingua Asturiana en 1993.