Novela.En Barcelona, un crimen sórdido, relaciones homosexuales, ética y moral

Con esmero e gracia, o coñecido xornalista Cristóbal Ramírez elaborou unha guía dedicada a un sector do turismo en Galicia que, desde hai uns anos, vive un auténtico auxe: o turismo rural. Incluíndo referencias a un total de 200 casas rurais, Ramírez presenta, de forma máis extensa, unha selección de 50, ilustrando as súas observacións con máis de 100 fotos tanto dos interiores como dos exteriores. Mapas comarcais e planos de localización facilitan ós interesados a rápida situación desas paraxes fermosas que, nun contexto de modernidade, retoman tan ben o amor e o apego dos galegos á natureza e á vida no campo. Fichas con resumos dos datos principais completan unha guía que, á parte de ser un compendio útil e práctico, anima a retirarse do ruído da cidade, para respirar o aire puro da beiramar e das carballeiras e dos soutos do interior do país.