Só os mortos soterran os seus mortos inclúe unha ducia de contos fantásticos, algúns dos cales se inscriben nunha tradición de terror que ten as súas raíces tanto en Poe e Lovecraft como na propia literatura galega, cos que Arturo Lezcano continúa o labor emprendido hai anos con Os dados de Deus.

Este foi o primeiro libro de relatos de Arturo Lezcano. Cun regusto fantástico que abrangue desde a ficción futurista de impronta cunqueiriana ata a especulación futurista, estes contos reclaman un estatuto senlleiro no panorama da actual narrativa galega. Pero o seu mérito non reside só na mestizaxe de xéneros e referencias nin nos seus intelixentes xogos literarios, senón tamén na súa riqueza imaxinativa e simbólica, na súa ironía e no apego a unha actualidade que transcende a súa condición de materia noticiable para converterse en fábula e interpretación visionaria.