Nesti llibru recueye Vanessa Gutiérrez la so iniciación a la poesía n’asturianu, testos escritos dende mediaos de los años noventa que ponen de manifiestu la sinceridá, les duldes, la vitalidá y la manera de ver el mundu d’una adolescente con una sólida vocación pola escritura, y que sabe espresar les sos esmoliciones con guapura y verdá.Ana Vanessa Gutiérrez nació n’Urbiés en 1980, anque reside dende los seis años nel Entregu. Estudiante de Derechu na Universidá d’Uviéu, forma parte activa de la vida lliteraria de la cuenca del Nalón, participando en tertulies y alcuentros lliterarios. Acabante salir esti poemariu, Ana Vanessa gano'l Premiu Teodoro Cuesta de Poesía na convocatoria de 2003, ún de los más prestixosos del país, convocáu pola Casa la Cultura de Mieres._x000D_

A l'agradable sorpresa que supunxo descubrir la poesía fresca d'Ana Vanessa Gutiérrez cola publicación, a finales del 2003, d'«Onde seca l'agua», sumóse enseguida la concesión del premiu "Teodoro Cuesta" na so trecena convocatoria a esti llibru. D'entós p'acá esta escritora consiguió convertise nún de los referentes de la nueva poesía asturiana.«La danza de la yedra» permítenos ver cómo entra na madurez la so voz poética. La señaldá polo nunca non vivío, el sentimientu de perda y la presencia de la muerte percuerren los poemes d'esta autora, mui bien enraigonaos na tradición poética asturiana. La pallabra, dacuando esbordada, crecida como'l ríu de la esistencia, nun ye otro que la constatación por escrito de la busca incansable y inconsolable de la verdá última del ser, la consciencia certera y brutal del pasu del tiempu y de que "lo peor vendrá depués", cuando la vida nos tenga arrancao tolo que queremos, too aquello polo que sobrevivimos y namás dexe tres de nós abandonu y escaezu.Ana Vanessa Gutiérrez, nacida n'Urbiés en 1980, reside dende nena nel Entregu. Estudia Derechu na Universidá d'Uviéu y forma parte de la tertulia lliteraria "Reciella Malory", que publica la revista del mesmu nome.