Mikelek eskola jazarpena pairatzen du. Isilean eta ezkutuan darama bere sufrimendua. Baina hemendik oso urruti, urrutiko planeta batean, izan dute gertaeraren berri, eta ez dute ezer egin gabe geratzeko asmorik.

Bada Euskal Herrian zuhaitz bat, enborraren erdi-erdian zulo bat duena: sekretuen zuloa.Asmo txarreko hiru ikertzailek jendearen sekretuen jabe egiteko erabili nahi dute zuloa, eta zuhaitzaren ondotik igarotzen diren guztiak tentatzen dituzte beren sekretua zuloari kontatzera. Baina badira zuhaitza milaka urtez zaindu duten basoko gizaki batzuk?

Amonak Mikeli egurrezko kutxa zahar bat oparitu dio. Mikelek kutxan amonaren bi soineko, izeba Mariaren takoidun zapata gorriak eta arrebaren kristalez eta botoitxoz jositako kamiseta zuria sartu ditu. Kutxa erreka ondoko pagoaren aldameneko harritzarraren azpiko zulo sekretuan gorde du.

Duela hirurehun urte, Torreondo eta Torregertu izeneko herrixkak zeuden Torrepe mendiaren magalean. Torreondoko eta Torregertuko biztanleak ez ziren batere ondo konpontzen elkarrekin. Herri bakoitzak Torrepe mendia berea zela uste zuen. Behin, negu hotz batean, zaldun gorri bat eta zaldun berde bat Torrepe mendira iritsi ziren urrutiko lurretatik. Ezpata eder bana zeramaten gerrikoan sartuta. Bi herrietako biztanleek, ezpatekin liluraturik eta beren asmo txarrak bideratzeko asmoz, zaldunen adiskideak egitea erabaki zuten.

Aitona Pello, zahartu egin da, eta triste dago. Zoriontsua izan da bere bizitza guztian zehar eta orain, zahartzean, triste sentitzen da. Bere lau bilobak, aitonari laguntzen saiatuko dira, alaitasun eta entretenimendu apur bat eskainiz. Horretarako, denboraren makina bat asmatuko dute, eta historian zehar ezagunak izan diren gizon-emakumeak ekarriko dituzte. Hauekin solasean arituko dira, beraien nondik norakoak ezagutuz. Denboraren makinaren bitartez, antzerkia eginez, historian zehar egon diren pertsonaia ezagunenetako batzuk ezagutuko ditugu. Beraien azalean sartuko gara, beraietaz zerbait gehiago ikasiz.

Zer gertatuko litzateke, gure Lur planeta kutsatuz gero? Ezingo ginateke bertan bizi. Beraz, gizakiak, bizi ahal izateko, planeta berriren bat bilatu beharko luke Eguzki Sisteman. Baina, ba al dago gizakia bizi litekeen planetarik? Planeta horiek ba al dituzte gizakiok bizitzeko behar ditugun baldintzak?

Udako arratsalde ekaiztsu batean, autobus geltoki batean, jende multzoa elkartzen joango da, zein baino zein xelebreagoa. Autobusa itxaroten ari diren bitartean, beraien arteko liskarren berri izango dugu, umore ederrean: Biloba galdu duen amona, inor baino gehiago ikusten duen itsua, edozer lapurtzen duen lapurra, egunkari saltzailea...

Duela 500 urteko Txinan, Txiukue deituriko hogei urteko neska bat bizi da. Herriko alkatearen alaba da, eta Peifen-ekin maiteminduta dago, etxeko neskamea den bere adineko neskato langilearekin. Aitak, alaba ezkondu nahi du, eta horretarako, lau senargai aukeratu ditu. Txiukuek, ordea, ez du horietako inorekin ezkondu nahi, Peifenekin baizik.