Marrazki politez jositako hiztegi handi honi esker, zuen haurrak askotariko hitz berriak ikasiko ditu. Liburuan lantzen diren gai desberdinak umeen unibertsoarekin estuki lotuta daude dibertimendu ordu luzeak eskaintzeko asmoz!
Kartoizko liburu hauek hizkuntza eta ingurunea aurkitzeko ahaleginean bideratuko dituzte haurrak. Ertz ongi biribilduak segurtasuna bermatzeko. Mundu osoan arrakasta gehien izan duen kartoizko liburuen bilduma da, 72 hizkuntzetara itzuli da. Guztira, 7 milioi ale saldu dira!
Hasieran, hainbat auto berdez margotuta agertzen dira hirian. Ematen du protesta modu bat dela. Gero, lehergailu bat zentral termiko batean, hedabideetan albiste aldrebestuak, prentsarekin borroka…, eta hura guztia gutxi balitz, etxean ere egoera desatsegina dauka Markel Aizpurua ertzain-buruak. Emazteari zerbait gertatzen zaio. Oso portaera misteriotsua dauka.
Bizitza pribatua gainbehera datorkio Markeli eta, gainera, euskal gizartea talde terrorista berri baten mehatxupean ageri da. Ez zaio erronkarik falta, ez.
Herrialde oso bat dago arriskuan.
Tipo arrunta da ipuin honetako protagonista. Arrunta du etxea, arrunta lanbidea, arrunta izena bera ere: J.J. Ohitura arruntak ditu eta egunero berritzen ditu beti berdin beti berdin edo antzera. Baina halako batean, gaur, ohetik jaiki, eta batere arrunta ez den zerbait gertatu zaio: krokodilo bat ikusi du bere ohe arruntaren azpian. Egoera horretatik abiatuta, eta umore ukitu finez, gertaerak korapilatuz doa autorea, amaiera biribil batera iristen den arte.
Objektu gutxi batzuez beteriko maleta bat da. Dovlatovek Sobiet Batasunetik AEBetara emigratu zuenean berekin hartu zuen maleta. Emigratzeko asmotan dela, hara non esaten dioten hiru maleta besterik ezin duela eraman. Puskak biltzen hasi, eta ohartzen da hiru maleta ez, bakar bat aski duela bere ondasun guztiak sartzeko. Bere bizitza osoa maleta ezdeus batean bildurik. Eta halaxe abiatzen du kontakizuna, ipuin bat josiz maletan sartu zituen objektu bakoitzaren inguruan. Oroitzapen bat objektu bakoitzeko.
Eta halaxe harilkatzen ditu bere bizitzako zenbait pasarte, banan-banan, atzean utzi duen munduaren garratza, absurdoa eta zentzugabetasuna agerian utziz. Narrazio guztiak bere ohiko estilo arinean daude idatzirik: estilo arina, baina baita zorrotza, fina, gardena, sarkastikoa, garratza, ziztakaria ere. Eta vodkaz, vodka askoz bustirik.
Phileas Fogg-ek apustua egiten du baietz munduaren itzulia 80 egunetan egin, eta, hala erakusteko, bidaian abiatzen da bere zerbitzariarekin. Ustekabe ugari saihestuko ditu, besteak beste, lapur bat dela uste duelako atzetik doakion detektibe bat.
Donostian kokaturiko thriller psikologiko honek egileari jazotako gertaera hunkigarri batzuk ditu abiapuntu. Duela urte batzuk, emakume batek laguntza eskatu zion. Senarraren jipoiak eragindako ubelduz beteta agertu zen, heriotza mehatxuaren pean, erabat izuturik… Errealitatean lez, orri hauetan, maitasun istorioa dirudiena beldurrezko kontakizun bihurtuko da. Gezurra, izua, mendekua eta ankerkeria ohikoak izango dira, harik eta bakoitza bere bakardadea gainditzera ausartuko den arte…
Ohera joan baino lehen gure umeek ipuintxo bat behar dute irakurri ala entzun. Betiko istorioak aukera ezin hobea dira eguneko momentu xarmant horretarako. Haurrak istorio bat desiratzen ari dira.
Ipuin laburrak eta errazak, marrazki politez horniturik, tamaina erabilgarriko liburutto batean topatuko dituzu.
Ezinbesteko etxe guztietan.
Nork lapurtu ote du Arrano beltzak taldearen baloia? Saskibaloi txapelketa irabazi ondoren taldearen baloia desagertu da. Haren tokian mezu misteriotsu bat agertu da, taldeko inork ulertzen ez duen mezu arraroa. Nork dauka baloia? Nola askatu mezuaren korapiloa?
Misterioz eta umorez betetako abentura zirraragarria biziko dute Martinek eta haren lagunek lapurrak utzitako aztarnei eta mezuei jarraituz.
Kaxa karratuan eskua sartu, eta atera dugu barrutik ez untxi bat, karta bat baizik. Eta harrituta geratu gara Ipuin-kontalariarekin.
Arraioa! A zer nolako magoa den! A zer nolako gauzak sortzen dituen!
?Kote, kote, kote, zer ote, zer ote?? Bada, imajinazio eta kreatibitate ikusgarria erabilita, gutxiena espero duguna agertuko digu, txundituta utzi arte gu denok.
