• Edición bilingüe asturianu / castellano.

Los trenta y dos cuentos qu'inclúi Miguel Rojo nesti volume fueron saliendo nes páxines d'El Comercio y de La Voz de Avilés, d'ehí la denominación de «cuentos d'encargu». L'universu ficcional que l'autor remana nestes páxines ye bien ampliu; nél hai espaciu pa lo fantástico y lo costumista, pa lo metalliterario y lo dramático. D'igual manera, quien narra va cambiando de cuentu en cuentu de la primer persona a la tercera, del narrador masculín a la voz femenina que nos cuenta... Nun hai tema dengún que-y seya ayenu a Miguel Rojo, que s'amuesa equí como un escritor de mirada aliella y que ye a trescribir les coses del mundu y de la vida cola maestría y la pureza del narrador avezáu.

Miguel Rojo (Zarracín, Tinéu, 1957), escritor de reconocíu prestixu nes lletres asturianes, tien yá una llarga trayectoria lliteraria mesmo n'asturianu qu'en castellanu. Conocíu sobremanera como poeta y narrador, los sos últimos poemarios son Territorios –ed. billingüe– (2007) y El paséu (2011). Autor de la novela más vendida de la narrativa asturiana del Surdimientu, Histories d'un seductor (Memories d'un babayu) –1993–, que cuenta tamién con versión castellana, al igual que la mayoría de les sos publicaciones infantiles: De qué tará fecha la lluna (2008) o El viaxe de Tin y Ton (2008). En castellanu destaquen, amás del relatu Raitán el petirrojo (2003), les noveles La senda del cometa (2007) y La hoja del Ginkgo biloba (2010).

* * *

Los treinta y dos cuentos incluidos en este volumen fueron apareciendo en las páginas de El Comercio y La Voz de Avilés; de ahí la denominación de «cuentos de encargo». El universo ficcional que maneja el autor en estas páginas es muy variado; en él hay espacio para lo fantástico y lo costumbrista, para lo metaliterario y lo dramático. Así mismo, quien narra va cambiando de la primera persona a la tercera, del narrador masculino a la voz femenina que nos cuenta... Ningún tema le resulta ajeno a Miguel Rojo, que se muestra aquí como un escritor en estado de alerta que sabe transcribir las cosas del mundo y de la vida con la maestría y la pureza de un narrador de oficio.

Miguel Rojo (Zarracín, Tineo, 1957), escritor de reconocido prestigio en las letras asturianas, cuenta ya con una larga trayectoria literaria tanto en asturiano como en castellano. Conocido sobre todo como poeta y narrador, sus últimos poemarios son Territorios –ed. bilingüe– (2007) y El paseo (2011). Autor de la novela más vendida de la narrativa asturiana del Surdimientu, Historias de un seductor (Memorias de un gilipollas) en su versión castellana (2002) –lengua a la que también fueron traducidas muchas de sus publicaciones infantiles: De qué estará hecha la luna (2008) o El viaje de Tin y Ton (2008)–, de sus obras en la lengua de Cervantes destacan el relato Raitán el petirrojo (2003) y las novelas La senda del cometa (2007) y La hoja del Ginkgo biloba (2010).

Telva ye la única nena que vive en Villar. Nun tien amigos en pueblu, pero los mayores nun dan abastu a da-y mimos. Tolos díes va pa escuela andando. Pero güei va topar una sorpresa: una osa que cayó nuna garduña. Telva nun sabía qu'había cazadores furtivos, nin el mal que tán faciendo a los osos.

A Grillu présten-y munches coses: lleer el periódicu, mirar les estrelles... Esto último ye lo que-y presta más y a veces queda tiráu nel xardín de casa la nueche entera. Grillu namás echa en falta tener collacios. ¿Podrá pidi-y a esa estrellona fugaz que-y los traiga? De xuro que se cumple’l so deséu. Anque lo que-y venga del cielu seya una estraña nave na que viaxa un bichu verde tovía más estrañu. Esti ye’l primer llibru d’un nuevu autor, el piloñés Miguel Rojo Martínez. Les ilustraciones son del so paisanu Enrique Carballeira.

«Llaberintos» comparte cola poesía anterior del autor («Buscador d'estrel.las», 1996 y «Bilbao, estación terminal», 2001) el tonu meditativu y la reflexón autobiográfica, y mantién un estilu coloquial que lu caracteriza ente los poetes asturianos, directu, alloñáu de la retórica, pero capaz de sorprender con un llinguaxe vigorosu, ricu n'imáxenes, col que'l poeta se reinventa a elli mesmu mientres axusta cuentes, n'intelixente diálogu, nel mundu que lu arrodia.Miguel Rojo (Zarracín, Tinéu, 1957) ye, amás de poeta, conocíu narrador y autor de lliteratura infantil; tien publicaos dos llibros de cuentos («Tienes una tristura nos güeyos que me fai mal» –1989, n'asturianu– y «Historias del más acá» –1999, en castellanu–), dos noveles («Asina somos nós» –1898– y «Histories d'un seductor, memories d'un babayu» –1993–) y dellos llibros infantiles («Telva y los osos» –1994–, «Telva y el fueu» –2000– y «Raitán, el petirrojo» –2003–; los dos primeros n'asturianu y lúltimu na llingua de Cervantes)._x000D_

Ganadora del 9u premiu Xosefa Xovellanos (1988) y publicada un añu después, «Asina somos Nós» ye la primer novela de Miguel Rojo (Zarracín, Tinéu, 1957). Al traviés d’una historia de perdedores, Miguel Rojo enfrenta a quien llee con un doble planu narrativu: el de los personaxes, los sos amores y odios, les sos pasiones, fracasos y ésitos, y el del autor, contra quien tienen que lluchar los protagonistes si quieren sobrevivir dientro de la narración y que va apaecer como’l personaxe omnisciente que se llama Nós.

Lo que más ama Raitán, como cualquier papu coloráu, ye la llibertá. Más que la vida.Pero un día cai nuna trampa y dende la cárcel d’una xaula va esgranando la so vida en llibertá, dende que naz hasta que dexa’l ñeru familiar.Guapu llibru que pues entamar per delantre o per detrás. Como más te preste.