Cuentos infantiles con ilustraciones en color

Dona Melosa é a abella de máis anos do panal e xa non pode traballar como cando era nova. Agora está moi aburrida e anda na procura dunha ocupación coa que encher as horas do día. Por iso decide mercar la de diversas cores para tecer con ela unha bufanda longa, longuísima, que acaba por se converter nun gran problema para o bo funcionamento da colmea. Unha historia doce e colorida, que potencia a imaxinación dos máis cativos e en sínalles a gozar do tempo cos maiores.

Existe un bosque misterioso habitado por seres fascinantes e marabillosos: fadas, trasgos, bruxas... As fadas tecen fermosos manteis de liño que, con coidado, gardan nunha arca porque alguén llelos quere roubar. Pero non só elas son vítimas de ladrón descoñecido, tamén o son os restantes poboadores do bosque. O sabio e vello caracol propón utilizar os manteis das fadas como cebo para cazar a quen tanto mal lles está a facer.
Se queredes saber o que logo ocorreu, só tedes que ler con moita atención.

Un, Dous e Tres son tres gatos cantores, que todas as noites saben ó tellado, para, dende alí, dar inicio á súa serenata de miaños. pero, como as noitesestán pensadaspara durmir, os seus veciños vense na obriga de buscar unha solución que lles permita descansar sen que, para conseguilo, teñan que prexudicar a carreira artística dos gatos cantores...