Marte é o Deus da guerra segundo a mitoloxía romana pero tamén é o Planeta Vermello porque dende a Terra recoñecese no ceo nocturno como un punto vermello brillante. Hai moitos millóns de anos terrícolas, Marte era un planeta estupendo para vivir, cheo de mares e praias… Alí vivían os avós de Anamarciana, Estrela e Ramonmarciano, pero a contaminación fixo que de convertera nun deserto vermello e os marcianos tiveron que emigrar. Anamarciana coñecerá Marte grazas ao seu avó que a levará de excursión no pote fotónico conducido polo robot Ambrosio IV.(*CR*)“Anamarciana no planeta vermello” é a terceira entrega da serie “Anamarciana”, a extraterrestre máis simpática da Galaxia, publicada na colección Merlín e escrita e debuxada Alberto Varela Ferreiro. Unha nova achega desta serie de ciencia ficción para primeiros lectores onde a ilustración infográfica destaca pola súa orixinalidade e pola súa capacidade para suxerir aos lectores espazos siderais. (*CR*)

Hai moito, moitísimo tempo, existía un mundo onde os coches eran os donos do mundo. Para que os automóbiles puidesen circular construíron estradas, autoestradas e vías rápidas que cubrían toda a superficie. O planeta enteiro estaba cuberto de asfalto e de coches, e nese mundo vivía Brrumm-Brrumm.

Animado polo éxito de crítica e público do primeiro libro de Anamarciana (Premio Lecturas 2001 da Asociación Galega do Libro Infantil e Xuvenil- GALIX), Alberto Varela Ferreiro presenta unha nova entrega da extraterrestre máis simpática da galaxia. Chega o verán e Anamarciana, como todo o mundo, marcha de vacacións. Este ano vai a Europa, un satélite do planeta Xúpiter. Europa é ideal para estar fresquiños e practicar todo tipo de deportes, como patinar no xeo, mergullarse e ir ás luras. Anamarciana: vacacións en Europa é un libro de ciencia ficcción para os primeiros lectores, escrito e ilustrado por Alberto Varela Ferreira. Unha nova achega desta serie iniciada na colección Merlín, onde a ilustración infográfica destaca pola súa orixinalidade e pola súa capacidade para suxerir aos lectores espacios siderais.

Non hai moito tempo había un bosque vello e fermoso onde vivían moitos animais.
Un día algo pasou que fixo ladrar ao can…
“Unha lapa esfameada escapou dunha cachela… e vai cara ao carballo con ganas de facer lume e fume.”
A nosa paisaxe tamén é parte da nosa identidade. Un libro dedicado á recuperación dos nosos bosques autóctonos.