Wulf complementa el díptico "Mond", preestrenado en 1993 por la compañía Espacio Abierto en el teatro Palacio Valdés de Avilés. En ambas Rodolfo, un hombre-lobo, consejero de Cultura y empresario llevado al límite, rinde cuentas de sus actos ante un cadáver que no acierta a recordar y ante su propia vida. El sexo y la corrupción, una vez más, se dan cita en un escenario reconocible y, posiblemente, trasladable al presente y, desgraciadamente, al futuro.

Dos noveles curties y siete cuentos axunta Adolfo Camilo Díaz nesta espléndida obra caracterizada pola radicalidá: tanto ética como estética, que ruempe col discursu y la manera de facer dominantes.Escritos en tiempos bien distintos —dende 1982 hasta l’añu 2000—, la ironía, la tresgresión, un ciertu feísmu, la capacidá pa construir personaxes arquetípicos y asitialos onde, aparentemente, menos deben tar, son delles de les característiques que destaquen en cada ún d’estos sorprendentes relatos. A pesar de la variedá temática del llibru, hai una palabra que pue definir el conxuntu: compromisu. Compromisu pa cola realidá actual, pa col pasáu y, poro, pa col tiempu por venir. Y too ello tresnao de violencia cotidiana —individual y colectiva, doméstica y social—, cuando callada, cuando ruidosa, reina y señora de les vides. D’otru llau, en «Venus, Occidente y otros cuentos éticos», l’autor amuesa la so facilidá pa crear atmósferes oníriques y surrealistes, metafóriques y radicales.ADOLFO CAMILO DÍAZ (Caborana, Ayer, 1963) ye ún de los escritores más prolíficos y polifacéticos d’Asturies: autor d’obres teatrales («Psicokiller», 1993), de cuentos («Miénteme, dime la verdá», 1989, «L’home que quería ser una estatua», 1991), poeta, novelista («Añada pa un güeyu muertu», 1985, «Pequeña lloba enllena d’amor», 1987, «Diariu de viaxe», 1995, «El vientre del círculu», 1996), traductor y ensayista, fixo delles prestoses incursiones nel mundu de la lliteratura xuvenil («Blugás», 1993).Col cuentu tituláu «L’universu acaba nesta cai», incluyíu nesti llibru, ganó en 1999 el concursu de «Cuentos Llena».

¿Y si la fin del mundu empieza n’Asturies? A les cuatro hores hai miles de muertos y un incontable númberu de feríos peles cais d’Uviéu, Xixón, Avilés… Fálase del ataque de célules terroristes internacionales o, lo que ye peor, d’un «enemigu interior». Equis, 17 años, Penélope, 18 años y Jean, 16, fadrán los posibles por salvar el mundu… Y de pasu, la so mesma vida. Adolfo Camilo Díaz (Caborana, Ayer, 1963) ye ún de los escritores más prolíficos y polifacéticos d’Asturies: autor d’obres teatrales («País, una traxicomedia asturiana» 2004), de cuentos («Miénteme, dime la verdá», 1989, «L’home que quería ser una estatua», 1991), poeta, novelista («Añada pa un güeyu muertu», 1985, «Pequeña lloba enllena d’amor», 1987, «Diariu de viaxe», 1995, «Suañé Cabu Verde», 2003), traductor y ensayista, fixo delles prestoses incursiones nel mundu de la lliteratura xuvenil: «Blugás» (1993).

Al acabu la so vida, un flaire benedictín atopa nuna tronza de carbayu que sofita la so cama y que contaba vacia cuatro resmes de papel, de les que yá nun tenía alcordanza, que narren –de so mano moza– los fechos asocedíos na ivernada del 1729. Nunca nun tuviera –confiesa– tan cerca del mal como naquellos díes, nos qu’un cuélebre escomanáu andaba faciendo les d’elli pel occidente d’Asturies. Esta ye la historia de maese Buciellos, cazador de cuélebres, y del so ayudante Antón. Entrambos los dos han d’enfrentase al mal n’estáu puru, al so pasáu el más vieyu y a un futuru inciertu el más mozu.

Novela ganadora del premiu Xosefa Xovellanos nel añu 1995, esta obra ye un viaxe a la memoria d’una xeneración, d’una xente que siempres tuvo nel zimbru la mar L’Habana, Cuba y la so revolución. Pero nun hai que s’engañar, «Diariu de viaxe» nun ye una novela sobre Cuba, por más que la Revolución y L’Habana Vieya andulien ente les sos páxines, que devolen rápido. Esta novela ye un viaxe al pasáu y a la memoria, a la firida que la infancia dexó abierta en Xuan, que vuelve pa realcontrase colos muertos y colos vivos, pero sobremanera p’alcontrase a sigo mesmu.

Adrián crucia l'antigua Asturies na gravimotu pel boulevard «Y» camín de la barriada de Grao y del Parque Occidental con una sola pregunta na cabeza: ¿Qué pasa en Prímula? ¿Qué pasa na estación espacial onde decenes de rapazos deprenden a ser adultos mientres na Tierra hai guerra y destrucción? Blugás, esta guapísima novela de ciencia ficción, ye la primer parte de la triloxía que se va titular Primula y de la que pronto va salir la segunda entrega. Adolfo Camilo Díaz (Caborana, 1963), dramaturgu y narrador, tien amás varios premios de narrativa, ente los que destaquen dos premios «Xosefa de Xovellanos» y el «Premiu de Narrativa» de l'Academia de la Llingua Asturiana.

Adolfo Camilo Díaz, ún de los más prolíficos escritores de l'Asturies d'Anguaño, muéstrase nesta obra como avezáu monologuista.

«El misteriu del neñu esborráu» ta basáu en fechos reales: hai dos años descubrióse qu’un neñu desapareciere adientro d’una televisión de plasma y que sirviere de pinchu a Tiranosauriu.Xuan, el protagonista d’esta cruel hestoria, ye la víctima d’un esconxuru del Magu Llábana... y va facer un viaxe de más de 130 páxines pasando pelos refrescos de cola, les arañes xigantes, la vida... y la muerte.