Les palabres que te mando

Como eses plantes que nun prosperen yá, que siempre paez que tán morriendo pero nun acaben, qu'esperen el fin de los tiempos en tiestos comíos pol mofu, asina ta plantada na vida la protagonista d'esta narración, esperando un principiu o un fin. Y quien diz esperando, diz tarreciendo. Pero al empezar a trabayar pa una muyer mayor a la que tien qu'atender va dase cuenta de lo que duel tirar del filu de la llabor mal fecha hasta desfacela pa iguar tolos puntos mal daos nesa chaqueta –o nesa vida– qu'una empezó texendo pa sí y acabó regalando pa qu'otra la gastare.