Esta é unha obra autobiográfica inédita, unha miscelánea que García Barros tentou publicar e n vida, pero que foi ficando esquecida. O autor, coñecido polo seudónimo Ken Keirades, debulla neste volume algúns dos episodios máis significativos da súa vida.

Velaquí unha obra, inédita ata o de agora, do estradense Manuel García Barros. Nestas prosas están presentes os trazos que definen a súa obra literaria: humor costumista, progresismo ideolóxico e amor á terra, á lingua galega e ás xentes que a falan. O libro inclúe un limiar, escrito por Ramón Otero Pedrayo en 1960.