Disponible. Normalmente se envía en 3 días.
Todos os animais da fraga coñecían as extravagancias de RaMona, a ra máis mona do lugar, unha afouta artista da camuflaxe que non quería nin casar nin levar os ovos á lagoa como o resto das ras. RaMona vivía á súa bóla, buscando flores e escoitando as diferentes harmonías que desprendían, o que lle permitía argallar rimas e compoñer cancións coas máis variadas melodías. Porén, cando ten que enfrontarse con todas as armas posibles á perigosa cóbrega Milfaces, á toupa Berbequí e fuxir dos falcóns e dos voitres, comprende que as ras volven sempre ao lugar onde nacen.
" Choiva de ras "
é unha aventura trepidante protagonizada por animais, inzada de música e humor, que afonda nos valores da amizade, a solidariedade e o respecto.
Ánxela Loureiro é profesora xubilada de Educación Primaria, especializada en música. Formou parte do grupo Saraibas como solista e participou no libro-casete "Cancións para o ano" (Xerais 1995). Iniciou a súa actividade como creadora en 1978 coa obra "¡Ollo! Hai lurpios na horta", premio de teatro Infantil do Ateneo Ferrolán. Publicou as seguintes obras de literatura infantil: "Viaxe de ida e volta" (Xerais 1996); "Laia, a nena da illa" (Xerais 1998); "Camiño perigoso" (Xerais 2002), novela, finalista do Premio Merlín 2002; "Ota quere voar" (Xerais, 2003), Premio Lecturas Galix, 2005 (de 8 a 10 anos), Premio Literario Frei Martín Sarmiento, 2004 (de 8 a 10 anos) e "Choiva de ras" (Xerais 2018)., Xosé Tomás (Ilustrador/a). Xosé Tomás (Betanzos, 1971) é profesor de lingua inglesa e ilustrador de máis de vinte títulos de literatura infantil. Ilustrou para a colección Merlín os libros: "Contos de Reis e de Nadal" (2007), "O souto escuro e perigoso" (2011), "O arco da vella" (2009, Premio Fervenzas Literarias ao Mellor Ilustrador do ano 2011), "Os reloxos preguiceiros de Néboa" (2011), "Coller as rendas" (2014), "Choiva de ras" (2018) e "Animalia 1. Verde" (2018), na colección Merlín Cómic.