978-84-9121-490-8
Revolución Detrito
Xosé de Cea
Editorial: Xerais Año: 2019 Páginas: 184Formato: Rústica cosido a fío, 13,00 x 21,00
Ticho é un neno de once anos que malvive nunha chabola xunto co seu pai eivado e a súa irmá Area. El traballa de sol a sol nunha mina de carbón e a irmá fai outro tanto nun vertedoiro de lixo. É a única saída que teñen para sobrevivir na República de Ocidia, un país gobernado con luva de ferro por un ditador tan extravagante coma sanguinario.
A vida de Ticho estará marcada por ese traballo inhumano para un neno, pola ausencia da nai e por buscar na fantasía a válvula de escape a unha realidade tan atroz.
A súa vida podería ter sido a biografía cotiá de millóns de nenos e nenas en todo o mundo, pero Ticho cruzouse cun trasno na mina onde traballaba e ese feito revolucionou a súa vida e a da súa xente.
E non, isto non é un conto marabilloso.