O gato con botas

Edicións do Cumio recupera este clásico infantil nunha edición dirixida aos primeiros lectores baseada nas ilustracións do artista galego Fino Lorenzo. Un libro editado en formato grande
e tapa dura, con ilustracións a toda cor que espertarán a imaxinación dos máis pequenos.

“—Meu amo, deixa xa de laiarte! Coas túas botas vellas, ese macuto e o meu xuízo, conseguirei que sexas a envexa da bisbarra. Confía en min! Sen cavilar máis, o mozo deixouse convencer. Moitas veces vira o gato facer marabillas na procura de ratos.”