O Gatopardo

Dende 1958, ano no que se publica O Gatopardo do autor de Palermo, esta obra irase convertendo nun libro de referencia obrigada na narrativa italiana do século XX. Unha desas obras que requiren toda unha vida de preparación para ser escritas, que están por riba das circunstancias e conseguen revelar o sentido dunha época. Con ironía e un dominio maxistral da linguaxe literaria, Lampedusa crea un universo literario pleno e fascinante, bota unha ollada lúcida e melancólica a un mundo en extinción. Unha das grandes novelas de todos os tempos.