Oso pardo, oso pardo, que ves aquí?

Un novo libro de Eric Carle en galego, un clásico en formato acartonado no catálogo de Kalandraka. Un oso pardo, un paxaro vermello, un pato amarelo ou un cabalo azul son algúns dos curiosos personaxes que asoman por este divertido álbum acartonado ideal para aprender as cores e os nomes dos animais. Un texto rítmico, encadeado en formato de preguntas que animan os lectores e lectoras a participar e interaccionar.
Un libro ideal para desfrutar en familia ou na escola co selo inconfundible do gran Eric Carle que volve sorprendernos co seu estilo sinxelo e lúdico co que gañou millóns de lectores e lectoras en todo o mundo.