Nesti llibru recueye Vanessa Gutiérrez la so iniciación a la poesía n’asturianu, testos escritos dende mediaos de los años noventa que ponen de manifiestu la sinceridá, les duldes, la vitalidá y la manera de ver el mundu d’una adolescente con una sólida vocación pola escritura, y que sabe espresar les sos esmoliciones con guapura y verdá.Ana Vanessa Gutiérrez nació n’Urbiés en 1980, anque reside dende los seis años nel Entregu. Estudiante de Derechu na Universidá d’Uviéu, forma parte activa de la vida lliteraria de la cuenca del Nalón, participando en tertulies y alcuentros lliterarios. Acabante salir esti poemariu, Ana Vanessa gano'l Premiu Teodoro Cuesta de Poesía na convocatoria de 2003, ún de los más prestixosos del país, convocáu pola Casa la Cultura de Mieres._x000D_

Esti diccionariu de sinónimos y equivalencias naz col propósitu d'ayudar a estudiantes, escritores y falantes d'asturianu a alcontrar aquello términos que más s'axunten a les realidaes que quieren describir.

Nel y Ñubina Traviesa fain bones migues y hasta podríen pasalo perbién xugando los dos xuntos, si non fuera porque Ñubina, como bien se vel pol nome, ye una nube pequeñina y traviesa, y Nel un nenu que ta lleendo un cuentu y, ¡zas!, de secute la ñubina del cuentu apaez nel so cuartu y...Maite G. Iglesias (Llugones, 1963) ye bien conocida nel mundu lliterariu asturianu, especialmente na lliteratura infantil. Nesta editorial tien publicaos los cuentos «Tristán »y «Tristán yá nun vive en Ceñal». Participó con dos cuentos n’antoloxía «Muyeres que cuenten»(Trabe, 1994) y en 1996 publicó «Fonte de xabú», llibru de cuentos (vtp).El llibru ta guapamente ilustráu por Ana Rodríguez Pastor.

Maite G. Iglesias preséntanos esta vuelta un nuevu personaxe pa la lliteratura infantil asturiana: Ñubina, una nube pequeñina y traviesa, que n’esta ocasión va a escuela a deprender a nevar, tien vacaciones como cualuquier escolín y de cuando en cuando arma dalguna de les suyes.Maite G. Iglesias (Llugones, 1963) ye bien conocida nel mundu lliterariu asturianu, especialmente na lliteratura infantil. Nesta editorial tien publicaos los cuentos «Tristán »y «Tristán yá nun vive en Ceñal». Participó con dos cuentos n’antoloxía «Muyeres que cuenten»(Trabe, 1994) y en 1996 publicó «Fonte de xabú», llibru de cuentos (vtp).El llibru ta guapamente ilustráu por Ana Rodríguez Pastor.

«Maruxes y Xuanes», histories de muyeres y d’homes: la maestra y el maríu que marchen de vacaciones, la que queda al cargu la casa y el mineru prexubiláu, la vecina estudiante y un par de mozos que-y presten... Una divertida obra de teatru, enllena d’humor y de situaciones qu’inviten a pensar, cola que Montserrat Garnacho rinde homenaxe al teatru costumista de siempre. Montserrat Garnacho, que ye bien conocida pol so trabayu d'escritora y periodista («Hombres y carbón», «Caleyes con oficiu», «¿Sales a jugar un poco?», «Constantino Turón», «Donde la culebra canta», «Dicen que les carboneres», etc.) escribió esta obra pa que los sos alumnos de 3º d'ESO del Colexu Lastra participaren con ella nel Primer Certamen de Teatro Escolar Villa de Mieres. Representáronla'l 30 de mayu de 2000 nel Salón d'actos de la Casa la Cultura y la xente rióse tanto -los güelos, los padres y los guajes- que, a la salida, charrando con Toni Vila, maestru tamién él nel C. P. Prau Llerón de Mieres y risonderu illustrador de poesíes y testos pa guajes grandes y pequeños («Poemes pa neños», de García Lorca; «Lluna de Ilobos», de J. Llamazares; «Diez hestories de Chehá y dellos cuentos más», de Xose Antón Fernández; etc.) y más tarde con Antón García y TRABE, animáronla a asoleyala. y equí ta: una ramuca más d'esi árbol vieyísimu que ye'l teatru costumista español y asturianu; una piezuca que, conforme col sabenciosu principiu pedagóxicu de que «lo qu'aburre, nun s'aprende y lo qu'entretién depréndese pitando», nun tien otru oxetivu que'l d'inducir a los espectadores -neños y neñes, rapazos y rapaces, homes y muyeres- a respetase un pocoñín más unos a otros mientres se ríen un ratiquín d'unos personaxes y unes situaciones nos que toos podemos reconocemos fácilmente a nosotros mesmos.