Esti ye un preciosu llibru, editáu a color, nel que tán les mil primeres pallabres que va deprender cualquier asturianu: la casa, el cuerpu, el paisaxe, la ciudá, la familia, el parque, la tienda… Ye un llibru fechu con humor, prestosu, que pue sirvir pa iniciase nel conocimientu de la llingua, p’afondar un poco si se tien dalguna idea.Nes últimes páxines del llibru hai una llista alfabética que xunta toles pallabres del llibru señalando’l xéneru, amás del correspondiente significáu castellán e inglés.

Xulián Burgos participó xunto a otros defensores del asturianu na asociación creada a finales de los años 70, Amigos del Bable, que dinamizó la vida cultural d'Asturies y sentó les bases de la reivindicación llingüística que la xente más mozo de la época convertiría en santu y seña. la entrega númberu 12 de la colección Maestros del Humor ta dedicada a esti escritor mierense, prolíficu onde los heba y billingüe ensin complexos. A la venta a partir del 15 de xunu.

Celín ye un nenu atravesáu por demás, un revolvín que vuelve llocos a los güelos cada vez que los pas lu lleven a pasar unos díes con ellos. Depués de poner n’alerta a tol pueblu, esti despídilu con gran barullu y allegría na estación d’autobuses el día que regresa a la ciudá colos pas.Enrique Carballeira (L’Infiestu, 1970) yá ye conocíu nel mundu de la lliteratura infantil y xuvenil asturiana. Amás de ser autor de los testos y les ilustraciones, Carballeira tamién fai comics.

«Casería» ye'l primer poemariu n'asturianu que publica José Luis Rendueles (Xixón, 1972), autor yá bien conocidu en castellán, llingua na que publicó dos llibros de poesía («Momentos acotados», 1996 y «Ultrajes», 1998). Nesta mesma llingua tien publicáu «Historias de comarca» (narrativa, 1998). N'asturianu diose a conocer nel añu 2001 col volume de cuentos tituláu «Cuentos chinos», publicáu nesta editorial.

Friedrich Nietzsche nació en Röcken en 1844 y morrió en 1900. Filósofu, profeta de cultos estéticos y cuasi relixosos, convirtióse n’apostol del nacionalsocialismu, foi estigmatizáu polos demócrates, salváu del escaezu polos soviéticos, apadrinó les revueltes de 1968 y dio color al anarquismu postmodernu, pa terminar siendo paladín de la socialdemocracia. Esti ensayu, Nietzsche contra Wagner, panfletu o confesión, ye en tou casu una obra de combate na que Nietzsche esplica cómo de ser un convencíu wagnerianu se tresformó nel principal acusador de Wagner.

El títulu del so postrer llibru, «Destruición del poeta» (1984) paecía premonitoriu y los munchos años trescurríos ensin publicar nada nuevo facíen albidrar que’l silenciu de Manuel Asur diba ser definitivu. Pero, pa gozu de los son munchos llectores, nun foi asina y equí ta «Orbayos», una obra escrita dende’l rigor métricu (aprovechando los meyores exemplos de la poesía popular) que recupera la voz llimpia y intimista del últimu asur, reflexivu y filosóficu, y que busca la esencia espresiva alloñándose de la palabrería lluella. Manuel Asur nació na Güerta, Samartín del Rei Aurelio en 1947. Con dellos poemarios nel so haber, ye una de les referencies imprescindibles nel panorama lliterariu asturianu y la primer voz poética del Surdimientu.

Hasta hace poco el de la seducción era un arte propiamente masculino. Tenía poco que ver con el amor y más con la conquista, de manera que el fin (derribar las barreras que la sociedad levantaba alrededor de la mujer) justificaba los medios: mentiras, engaños, promesas... P.R., el protagonista de esta novela, seductor o gilipollas a gusto del lector, es uno de esos últimos conquistadores y sus memorias son un divertido catálogo de situaciones, por el que desfila un variado grupo de mujeres para cuya seducción se hace imprescindible desplegar toda clase de recursos amatorios, desde la simpatía y el encanto irresistibles a la más básica de las técnicas: la persistencia.

Las compañeras de juegos infantiles poco inocentes, la oscuridad de los cines en la adolescencia, la vecina, la amante comunista en la recta final del franquismo, el choque cultural con una gitana, la casada infiel, el trato siempre difícil con las vírgenes, la esposa legítima y el complicado divorcio, el amor para siempre... son algunas de las mujeres que comparten el protagonismo en esta crónica sentimental de la segunda mitad del siglo XX.

El resultado es una divertida novela, desenfadada, que ayuda a entender las relaciones entre hombres y mujeres, en la que alternan por un lado el humor y el amor y por otro la pasión y la tragedia. En fin, una obra muy instructiva.

Miguel Rojo nació en Zarracín (Asturias) en 1957.

Con esta obra, que lleva’l suxerente títulu de «Tiempu d’esiliu y povisa ayeno» (en referencia a dos de les tres partes que la componen), ganó Pablo Rodríguez Medina’l Premiu «Vital Aza» de poesía del añu 2000. Esti ye’l segundu llibru de poemes que publica l’autor, un de los escritores mozos más interesantes del panorama lliterariu asturianu.Como yá se dixo, el llibru ta dividíu en tres partes de títulos bien significativos: «Tiempu d’esiliu», «Díes de povisa ayeno» y «El mofu del escaecimientu», que marquen el tonu xeneral de los poemes. La llucha contra’l desarraigu, les ruines que’l tiempu va dexando en nós y, a la fin, l’escaezu que miedra col pasar de los díes son los temes recurrentes d’un poeta sabedor del camín que nos lleva a la destrucción y a la muerte, un poeta que manexa la llingua con axilidá y estilu propiu.L’autor, PABLO RODRÍGUEZ MEDINA, nació nel Entregu en 1978. Diose a conocer como poeta n’asturianu col llibru «Nel dialeutu del grisú» (1999) y un añu depués apaeció’l primer volume de cuentos, «Los paraísos perdíos». Esi añu 2000 recibió un accésit del premiu de novela «Xosefa de Xovellanos» pola obra «Ente semeyances (Na cernada d’un tiempu pasáu)», que tamién acaba d’asoleyar Trabe.Avaláu, pesie a la so mocedá, por munchos premios n’asturianu y castellán, acaba de ganar, ex æquo, el «Xosefa Xovellanos» de novela y l’«Asturias Joven» de poesía.