logo paquebote
2436 libros encontrados buscando editorial: Xerais

www.paquebote.com > Xerais

Orden: · Ver: · Tipo:
ISBN:

978-84-9121-609-4

Os camiños do vento

Editorial: Xerais   Fecha de publicación:    Páginas: 216
Formato: Rústica cosido a fío, 13,50 x 19,00
Precio: 13,70
Añadir a la cesta
Disponible. Normalmente se envía en 3 días.

Lucas e Sara comezan o novo curso xuntos no instituto. O cambio á ESO non será doado, e menos cando un novo misterio peta nas súas portas. Unha pequena ladroa de peixe aparece no peirao onde adoitan ir pasear. Na súa pescuda por descubrir quen é esa rapaza, aprenderán a ver o mundo con outros ollos e coñecerán dous novos amigos e a odisea que viviron ata chegar á vila: unha viaxe a través dos camiños do vento.


ISBN:

978-84-9121-615-5

Un lume azul

Editorial: Xerais   Fecha de publicación:    Páginas: 400
Formato: Rústica
Precio: 23,90
Añadir a la cesta
Disponible. Normalmente se envía en 3 días.

Esta novela é a historia dos corpos sen vida. Unha trama de suspense que nos arrastra ata posuírnos, da que é preferible non saber nada previamente, mesmo evitando que ninguén nos desvele nada sobre ela, e gardar para nós o pracer de descubrir, de golpe, cal é a verdadeira historia que aquí se agocha. Dura, por veces mesmo violenta, pero tamén emotiva e, sobre todo, imprevisible, " Un lume azul " é unha apaixonante e intensa novela de Pedro Feijoo, escrita con ese arrebato ao que nos ten afeitos.


ISBN:

978-84-9121-593-6

Formigas nos pés

Editorial: Xerais   Fecha de publicación:    Páginas: 312
Formato: Rústica, 15,50 x 23,00 cm.
Precio: 18,80
Añadir a la cesta
Disponible. Normalmente se envía en 3 días.

" Formigas nos pés "
é un calidoscopio, a radiografía dese sentimento tan universal que é a dor producida por unha ruptura. A novela aborda o dó dunha muller que fica soa aos 50 anos e que debe reinventarse desde ese punto de devastación interna, a historia de alguén que inicia un arduo proceso para reconstruírse e para aprender a camiñar sen aqueles brazos que a sostiñan e que ela cría eternos. Esta é unha novela escrita cunha extraordinaria pulsión. É a historia de Eva, expulsada do paraíso, e de todas as Evas que foron, son e serán. A historia desas mulleres ás que a vida pon na difícil tesitura de aprender a dicir adeus.
Para a protagonista de
" Formigas nos pés " , de súpeto, o mundo quedou sen luz. Decátase de que desapareceron as cores que gabeaban polas paredes, os aromas da cociña, as rutinas cómodas, a palabra amable, as arelas que debuxa o porvir. E descobre que se ergueron muros, enreixados, fronteiras, camiños de fuxida, torres vixía, voces de mando, reparos, berros, suspicacias. Ela sente a pel dura e o corazón de caramelo. O frío. A quebra. A ferida e o medo. Agóchase nos armarios e busca muletas, bastóns e candís que a guíen polos camiños dese mundo que de súpeto quedou sen luz.


ISBN:

978-84-9121-613-1

Órbita

Editorial: Xerais   Fecha de publicación:    Páginas: 72
Formato: Rústica, 14,50 x 22,00 cm.
Precio: 12,50
Añadir a la cesta
Disponible. Normalmente se envía en 3 días.

" Órbita " recolle as voltas da intimidade contra o Universo, o baile que non se deixa guiar, implacable. As viraxes dunha década peneirando a luz ata o punto certo. Afiando a lixa para queimar o veo. Nunha orde inversa, móstranos a translación da identidade, a dixestión das estacións para liquidar as estrelas.


ISBN:

9788491215912

Calendario Xerais 2020. Traballadoras de Massó

Editorial: Xerais   Fecha de publicación:    Páginas: 24
Formato: Grampado con Cubertas, 30,00 x 30,0
Precio: 12,50
Añadir a la cesta
Disponible. Normalmente se envía en 3 días.

Calendario Xerais Traballadoras de Massó 2020.
Calendario fotográfico de parede (30 cm de ancho por 60 cm de alto que inclúe festivos e fases da lúa) con 12 fotografías do arquivo do Museo Massó. Estas doce imaxes realizadas nos anos vinte do século XX recollen o traballo das mulleres na industria conserveira galega.


ISBN:

978-84-9121-612-4

Vigo, puro milagre

Editorial: Xerais   Fecha de publicación:    Páginas: 280
Formato: Rústica, 14,5 x 22 cm.
Precio: 17,50
Añadir a la cesta
Disponible. Normalmente se envía en 3 días.

Vigo, puro milagre reúne medio cento de crónicas, escritas entre a emoción biográfica e a contención política, que ensaian unha teoría de Vigo como cidade de ferro e mel, como abella da ribeira e cidade atlántica en bisbarra, celme e cifra da Galicia contemporánea. Co formato dunha guía sentimental, afastada de tópicos e saudades localistas, estes textos afondan na procura da esencia do Vigo contemporáneo, dunha cidade orgullosamente galega, volcán de dinamismos, cidade estrépito de corazón celeste, obreira, aldeá, mariñeira, amante da ansia perdida.
Prosas viguesas polas que circulan os tranvías metropolitanos, a actividade e o bulir de comercios e mercados, os conflitos obreiros e os naufraxios, os traballos da ribeira e da ardora, a ledicia das festas tradicionais, as receitas de larpeiradas e noites sinaladas, as angueiras de barrios, parroquias e xentes humildes dunha cidade guindastre, contraditoria, capaz de facerse, desfacerse e refacerse coma espiral. Vigo, puro milagre!


ISBN:

978-84-9121-610-0

Homenaxe a Evaristo de Sela (1917-1994) «Estudos e lembranzas sobre a vida e a obra do helenista e poeta»

Editorial: Xerais   Fecha de publicación:    Páginas: 184
Formato: Rústica cosido a fío, 17,00 x 24,00
Precio: 16,98
Añadir a la cesta
Disponible. Normalmente se envía en 3 días.

Evaristo González Fernández (Sela, Arbo, 1917-1994), «Evaristo de Sela», ocupa un posto moi relevante na historia das Letras galegas, nomeadamente como tradutor ao galego da «Ilíada» (1990) e da «Odisea» (1992), así como doutros textos moi significativos da poesía neohelénica. Salienta tamén a súa faceta de poeta en galego e en castelán. Encarcerado en cinco prisións franquistas no período 1936-1942, levou unha vida difícil durante moitos anos. Xa fóra da cadea, estuda a fondo o grego clásico, idioma ao que se dedicara con paixón nos lóbregos establecementos penitenciarios do primeiro franquismo.
Neste volume de homenaxe a Evaristo de Sela ofrécese un achegamento
" e un entusiasta recoñecemento "
a unha biografía cívica e intelectual admirable. Colaboran na publicación seis autores do eido da filoloxía clásica: algúns pronúncianse sobre aspectos poéticos, outros lémbrano desde a perspectiva familiar, desde a óptica dun colega amigo ou desde o punto de vista de quen sitúa o noso homenaxeado no humus no que emerxeu á vida e á cultura.


ISBN:

9788491215875

Vinte mil leguas baixo dos mares

Editorial: Xerais   Fecha de publicación:    Páginas: 448
Formato: Rústica cosido a fío, 16,50 x 24,00
Precio: 24,95
Añadir a la cesta
Disponible. Normalmente se envía en 3 días.

O profesor de Historia Natural Pierre Aronnax, o seu axudante Conseil e o experto arpoador canadense Ned Land embarcan nunha viaxe fantástica, a bordo da fragata Abraham Lincoln, na procura dun misterioso monstro mariño. Este resulta ser un submarino, o Nautilus, ao mando do capitán Nemo.
Cando Jules Verne ideou a construción do Nautilus, escribiulle a Hetzel, o seu editor e amigo, para asegurarlle que a súa arca estaría mellor equipada ca a de Noé. Verne, que visitara xa os centros da terra e do aire, quixo baixar aos abismos do mar. Imaxinou un personaxe épico, o atormentado capitán Nemo, un sabio desenganado da raza humana, que se move guiado por un deses motivos tan recorrentes na novela de aventuras: a xustiza implacable, non exenta de vinganza, e a humillación do adversario.


ISBN:

9788491215653

O tatuador de Auschwitz

Editorial: Xerais   Fecha de publicación:    Páginas: 296
Formato: Rústica, 15,50 x 23,00 cm.
Precio: 18,00
Añadir a la cesta
Disponible. Normalmente se envía en 3 días.

" O tatuador de Auschwitz " , de Heather Morris, conta a historia real de Lale e Gita, dous xudeus eslovacos que conseguiron sobrevivir ao Holocausto. Lale era un tatuador ao que os nazis obrigaban a gravar a numeración nos brazos dos prisioneiros. Así coñeceu a Gita, da que namorou intensamente, tanto que grazas a iso puideron recobrar o sentido da vida e sobrevivir ao horror.
" O tatuador de Auschwitz "
é un extraordinario relato de superación, amor e supervivencia no medio do Holocausto. Cando remata a guerra, Lale e Gita volven atoparse e deciden trasladarse a Australia para iniciar unha nova vida. Unicamente tras a morte de Gita, Lale decide dar a coñecer a súa incrible historia a través de Heather Morris. «Sincera, emotiva.» (The Sunday Times) «Unha lectura realmente notable.» (Dan Walker, BBC Breakfast) «Unha historia emotiva e redentora de amor e altruísmo.» (Times Literary Supplement) «A incrible historia do tatuador de Auschwitz que atopou o amor no campo de concentración... Desgarrador.» (The Independent)


ISBN:

9788491215882

Conexión Macarrón

Editorial: Xerais   Fecha de publicación:    Páginas: 40
Formato: Rústica cosido a fío, 13,50 x 19,00
Precio: 11,20
Añadir a la cesta
Disponible. Normalmente se envía en 3 días.

A Espe e a Rino non lles gustan os paraugas, por iso agardaban debaixo dun tobogán a que parase de chover cando un señor fúnebre, con roupa, chapeu e paraugas negros, lles preguntou se querían que os acompañase á casa. Díxolles que era Expósito e que vivía no seu mesmo edificio, no noveno andar. Todo nel lles pareceu sospeitoso: o sombreiro dáballe voltas sobre a cabeza, os seus ollos brillaban cunha potente luz branca, e nalgún momento confesou que tiña antenas. Estaba claro que non era un «Expósito», era un extraterrestre! Que ían facer agora que coñeceran un extraterrestre de verdade?




Si no ha encontrado el libro que busca, pinche en nuestro servicio de Pedido Directo y pídanoslo.

Volver a Página Principal

Otras novedades


© Paquebote 1998-2020 Todas las secciones | Ayuda | Aviso Legal