Estamos no ano 1988. Comeza a primeira Intifada en Palestina, mentresen Irlanda do Norte continúa un inmobilismo político que só alenta o extremismo. Malia estar a moitos quilómetros de distancia, un adolescente palestino e outro irlandés levan vidas paralelas. Os dous, un en Nablús e outro en Derry, implícanse no activismo político e apoian con accións a causa do seu pobo. Os dous, asemade, empezan a descubrir o amor. -

Nesta casa-libro conviven en razoable harmonía un pastor, un pintor, un pirata, un mago e un santo, un neno cego, unha nena triste, outra alegre e outra máis que se perdeu na internet, un tío-avó que resucitoudisfrazado de televisor, un sumidoiro calcarrúas, un cuco e outro Cuco, un can de palleiro, avós e avoas, pais e nais, un home do saco e unpolimacho. Criaturas, todas, que van sorprender, e de qué maneira, a lectoras e lectores. -

A tartaruga Pepa é deses seres dispostos sempre a axudar aos demais. Unha tarde, un ratiño mancado, e tamén algo lacazán, pídelle que o transporte sobre a cuncha. Ao día seguinte, outros bichiños da selva aproveitan a boa vontade de Pepa e utilízana como autobús. A cousa empeza a revirarse cando os animais máis mangallóns, como a elefanta, esixen o mesmo trato. -

Cleta é unha cativa cos ollos verdes coma dúas esmeraldas, unha longacabeleira da cor do ouro e un corpo que recende a sal. O seu rostro ébranco coma a escuma das ondas que rachan ao pé do faro en que vive. Ela é a protagonista dunha historia que empezou unha noite de lúa chea, cando unha serea abandonou as profundidades do seu reino para amosarlle á filla o que hai fora da auga. -

Estamos en Bagdad, a cidade atravesada polo Tigris, a que aparece noscontos d'As mil e unha noites, a que hoxe resiste baixo as bombas, entre o fogo cruzado. A xente vive esculcando o ceo, as escolas pecharone os cativos xa nos xogan na rúa. Alleo a todo, Ibrahim reparte o correo na súa motocicleta. Leva no peto unha misteriosa carta que está decidido a entregar custe o que custe. -