www.paquebote.com > Tambre
Monta nas bolboretas destes papeis: vante levar voando, veña a subir e baixar polo aire, e guiarante ao seu país. E cando regreses dese país das bolboretas, onde cadaquén fai o que lle peta, pousa o libro e pousa ti. Talvez comprobes que do teu corpo abrollan dúas ás de fermosascores. -
Este libro agroma da infancia, o espazo mítico do que ninguén pode fuxir. Os seus poemas aluden a todos eses días que un sucedido cotián converteu nunha xornada memorable. Falan, asemade, das predileccións do poeta, das cousas humildes, obxectos, lugares e costumes que determinan a nosa vida para sempre. O que acontece no xardín do pasatempo, o lugar real e imaxinario que garda as regalías do mundo. -
Unha muller, un pintor, un crego, un home emigrado, un médico. Xente con cadansúa historia e dúas cousas en común: a procura da sorte e o destino da morte. E un escritor xunguido a elas pola historia dunha casa e dun caderno que agocha un segredo baixo as súas tapas manchadas desangue. A súa é unha loita desesperada por comprender o que non se pode, unha carreira sen descanso para escapar dun destino inexorable, unmedo intenso ao descoñecido: a ser ou non ser nunha vida que non é. -