A partir de 12 anosA novela comeza cun soño estraño de Mireia, xornalista dunha revistaesot‚rica de Madrid. O soño transcorre nunha aldea preto do lugarnatal da protagonista, na Idade Media. Ela ten a sensación estraña deque o personaxe dos seus soños lle quere comunicar algo. Decideretornar   s£a aldea dez anos despois de marchar, apremada por unproblema de drogas, para facer unha reportaxe para a revista na quetraballa.Nas ru¡nas da aldea apar‚ceselle o esp¡rito do protagonista dos seussoños, Xoel, un nobre da ‚poca medieval. A partir deste momento,rel tanse paralelamente a historia de Xoel e a vivencia da xornalistadespois do seu retorno   aldea: o reencontro coa irm  e mais afamilia, por unha banda, e cos vellos compañeiros das drogas, poroutra. Ambos os dous mundos quedan conectados a trav‚s dos soños e osmisteriosos encontros entre Mireia e Xoel.

O libro agrupa a información en tres grandes bloques cronolóxicos: 1750-1914, 1914-45 e 1945-2008. En canto ao tratamento dos contidos, predomina o tratamento global e diacrónico no exame das grandes transformacións económicas e políticas do século XIX que conforman o mundo contemporáneo -revolución industrial, revolución política liberal, burguesía e proletariado, imperialismo- así como no estudo dos cambios e continuidades que afectan ao mundo actual -Guerra Fría, capitalismo e socialismo real, descolonización e Terceiro Mundo-; mentres que para o estudo das graves crises e conflitos do mundo de entregueras Gran Guerra, Revolución rusa, Crac do 29, Fascismos, Segunda Guerra Mundial- predomina un tratamento máis pormenorizado e temático.
Os autores parten da idea de que o alumnado debe manexar e comentar un bo número de materiais documentais da época (textos, gráficas, estatísticas, mapas, fotografías, obras de arte...). Por iso en cada unha das unidades temáticas están recollidos numerosos documentos que forman parte da información, é dicir, non son meros complementos dun discurso de autor, senón que son eles os que realmente proporcionan a información histórica; o traballo dos autores céntrase na organización e recollida desa información redactando un fío condutor que facilita ao alumnado a correcta comprensión da documentación orixinal.
Na selección desta documentación os autores incorporaron fundamentalmente fontes primarias accesíbeis e comprensíbeis para o nivel de ensino a que está destinado o manual. Os documentos escritos preséntanse convenientemente reducidos ás súas mensaxes básicas, destacando aqueles aspectos que máis interesaban para o tema a tratar. Na referencia bibliográfica dos textos consígnase sempre o autor, o título e a data da primeira redacción ou publicación sen especificar (por consideralo de escasa ou nula relevancia) a edición concreta que foi manexada. Ao comezo de cada unidade figuran enderezos da Internet e títulos de filmes que poden ser utilizados para completar a información do libro de texto.
O manual achega tamén un anexo final de técnicas de traballo pensadas par facilitar ao alumnado o traballo cos materiais documentais de carácter textual, gráfico e audiovisual.