Triste nago. Galduta bezala. Amak plastakoa eman dit, inolako arrazoirik gabe. «Gauza bera esaten duzu beti!» esan dit izeba Maikak. Baina oraingoan egia diot. Bestela ez nintzateke hain triste egongo. Arrazoirik gabe jo nau.
Zergatik jo nau amak?

Euskadin barrena, hara eta hona, ibai eta mendien gainetik hegan, hemen jan, han lan egin, haraxeago dantzatu…; bertso xumeen bidez lurra hartu, eta azalpen labur batzuk irakurri ahal izango dituzu, gure hainbat leku gogoangarri oroitzeko.

Izeba Pauliren urtebetetzea da. Jonasek opari polit bat dauka eta gaur bertan eman nahi dio. Amak ezetz erantzuten dio, igandean joango direla. Jonasek, ordea, gaur nahi. Eta hor abiatuko da, inork ikusi gabe, izeba Pauliren etxera, salto batean itzultzeko asmoz. Baina ez da hain erraza salto batean itzultzea. Ez horixe.

Karolinak eta Lorea hondartzara joan dira gaur. Konstantino, berriz, etxean geratu da liburua irakurtzen: Bide magikoa. Alabaina, agudo joan da Konstantino ere hondartzara. Eta, ene, a ze dibe magikoa aurkituko duen.

Eklipsea

Eguzkia bira eta bira,
Ilargia jira eta jira,
kolpean elkartu dira:
sekretuak belarrira.

Jolas-ordua da ikastolan eta maisua jolaslekuko bazterrak zaintzen ari da Maider ikasle xaloa hurbildu zaionean. Jolas bat egiten uzteko erregutu dio maisuari, jolas berezi-berezia: Gurarien esku-jolasa. Hasterakoan maisuak gurari bat pentsatu behar izan du berekiko eta, itxaropentsu, Maiderren argibide guztiei jarraitu die. Maisuaren guraria bete ote da?

Andoniren gurasoak oso urduri daude gaur: inork ez dakien arrazoiren batengatik, bakarrik egon nahi dute, eta ahapeka mintzatzen ari dira.
Estu eta larri daudela dirudi.
Zertan ari ote dira gurasoak, Andoniren ezkutuan?

Igande goiza da. Garajera jaitsi da Xabi, autoa hartzera, ondoko herrian lasterketa batean irten behar du eta. Isiltasunean, "miau" entzun du, autoaren motor aldetik. Isilunea, eta berriro “miau". Ez dauka dudarik: katuek egiten dute miau. Laster ezagutuko du Bixitxo, bolada batean bizimodua aztoratuko dion katakume bizi-bizia.

Amaiak urte gutxi ditu baina irudimen handia.
Jonek eskulanak maite ditu baina ez du atsegin matematika.
Amaiak eta Jonek etxe bera dute eta familia bera.
Amaiak zazpi pertsonaia sortu ditu neba Jon lagun hartuta.
Amaiak eta Jonek badute istorio bat.
Zein ote da beraien zazpi pertsonaiena?

Ipuin-kontalariak, bat-batean,
urrezko giltza atera eta esan du:
"Hitzaren giltza
hitzaren giltza
ahoa ireki eta
elkarrekin mintza".
Eta urrezko liburua zabaldu du; eta guk,
orduan, ireki ditugu begiak leihoak bezala.