Yoni y yo

Suburbia Ediciones pon nes llibreríes l’esperáu llibru de cuentos de Pablo X. Suárez Yoni y yo. Un puñáu de relatos protagonizaos, na so mayor parte, por xente mozo, de gustos y preocupaciones urbanes o periurbanes, y un auténticu desfile de fauna de polígonu y after, ensin cayer nunca nel tópicu y fuxendo tanto de l’apoloxía como de la condena moral. Un llibru sorprendente, d’estilu descaráu y directu, que yá se facía esperar.

Como ye vezu na colección mecánica popular, la fotografía de la cubierta ye obra de Jandro Llaneza, y el graffiti col que ta escritu’l títulu fíxolu pa la ocasión OCELT. Nel interior, cada cuentu va precedíu d’una ilustración ad hoc, por obra tamién de Jandro Llaneza.