Basajaunek etxe berezi bat egin nahi du muino gainean baserritarrak biltzeko. Martinek, zelaian. Nola konponduko dira? Ataungo kondaira ezagun bat eguneratu dute egileek album ilustratu honetan.

19:30. Laster etorriko dira?19:45. Zer arraroa?20:30. Aitaren telefonoak kale. Amaren telefonoak kale. Amonaren telefonoan erantzungailua. Aitonaren telefonoan?, ezer ez, aitonak telefonorik ez daukalako. 20:45. Eta, orain? 23:15. Nitaz ahaztu dira.

Osotasun baten parte gara, ama lurraren zati bat, naturaren atal bat, eguzki amandrearen seme edo alaba eta, horregatik, beraiekin batera garatu nahi dugu, beraiek zainduz geure izatea ere zaintzen dugula jakitun.ITZALPETIK, argi ttantta bat zure egunerokotasunean.

Nork bere azalean bizi beharra daukagu eta ez dakargu bizi-manualik jaio garenean. Aholkuak, bai, jasotzen ditugu, ugari. Eskarmentua ere irabazten goaz, urteen poderioz. Testigantzak ere hor daude, segundo adina detailerekin. Joan zirenen hitzak ere balekoak zaizkigu eta dabiltzanen iritziekin, berriz, geure burua kokatzen dugu giza oihanean. Maite genituenen oroitzapena aldean daramagu eta datozenen ez-ustekoa uholdeka datorkigu, olatu anarkista gisa, zipriztinez betea. Narrazio, gogoeta, poesia bateratzen ditu liburuak. Idazlearen baitan gertatzen ari den garapenaren ibilbidea erakusten du liburu honek.

Ariketa dinamikoa izan da niretzat zutabegintza: agerikoa aztertzeko gonbita, ostekoa arakatzeko aukera. Neurri laburrera jo dut eta emaitza bakoitza sorpresa atsegina izan da. Azkenean, formatu motza gustuko dudala ohartu naiz eta, ondorioz, gehiago sakondu beharra daukadala, ilusioa ez dadin itzali, luma ez dadin geratu aldi bati begira. Aurrera jo baino lehen, ordea, nondik natorren gogoratu nahi. Atzera begiratu eta hor daudelako, hain urrutikoak ez diren kontuak: letra txikiz idatzitako historia atalak, atzean uzten goazen iragan hurbilaren zatiak. Bizitzak ihes, urak lez. Eta, bitartean, zer? Bitartean, besteen arrastoak irakurri, norberaren markak frogatu, putzuetan jolastu... Horixe da nik egiten dudana. Uretan lez hauxe duzu bitarteko horien isla, datozen uretan nola igeri egin eratzen dudan bitartean.