Venti negrinos ye, en cierta manera, continuadora de Parque temáticu (Ediciones Trabe, 2005), yá que peles dos obres anden los mesmos protagonistes, Sindo Caleyes y Romina, la so mano derecha, amás d'un garapiellu de politiquinos de tres al cuartu nun país que se paez sospechosamente al nuestru.
Obra áxil, de diálogu vivu, resulta una parodia con retranca del mundu lliterariu y editorial d'esi país tan asemeyáu al nuestru, atarraquináu d'escritores d'egos escomanaos y editores ensin escrúpulos nin amor polos llibros. Escrita como homenaxe a Agatha Christie –d'ehí’l títulu–, nesta novela los asesinatos van asocediendo ensin que naide seya a entender por qué o cómo.
-- Xosé Nel Riesgo (Avilés, 1963) ye narrador de raza, de llingua rápida y aceda: la palabra chanciosa, les situaciones coñones y de traca ye quien a describiles como naide na lliteratura asturiana. Amás d'otros trabayos de distinta triba, tien publicaos los llibros El cai nunca duerme (1989), Cuentos de la nevera (1997) y Escrito na ceniza (2006).

Nun pequeñu mundu gobernáu por homes fechos a sigo mesmos, bregaos nel arte de llegar al cumal de la representación llocal (basa organizativa del Estáu y principiu del averamientu a los sufríos ciudadanos y les tapecíes ciudadanes), l’esfuerciu diariu, la entelequia alministrativa ye llegar a la fin de los mandatos con dalgo qu’inaugurar en campaña electoral. Dalgo que, si pue ser, inxerte una inversión de munchos ceros, xenere puestos de trabayu (mesmo si son precarios) y meta’l territoriu nel glamour de la modernidá. Nos caberos años del sieglu xx anició una dómina d’afoguinos municipales por tener un Parque… comercial, empresarial, loxísticu, temáticu… Fecha con una retranca afilada como una barbera, esta novela ye un retablu de personaxes que, masque nun se correspuenden con xente nin territoriu concretos, sí que ye deldora d’impagables próceres de la caleya urbanizada con faroles decimonóniques, los cursos pa paraos, el polígonu industrial/re-sidencial, y la escuela taller d’emprendedores ensin capital. Que naide nun faiga l’inútil exerciciu d’identificar nestes páxines a estos ediles inventores del fast food políticu (o política puxarra) como calcos de los sos representantes llocales mediatos o inmediatos: cenciellamente, nun ye que se paezan. Son ellos mesmos, cenciellamente. Xosé Nel Riesgo (Avilés, 1963) ye xeógrafu y Máster Superior en Desarrollu Llocal pola Universidá d’Uviéu, doctorandu n’Economía del Desarrollu pola Universidá Autónoma de Madrid. Ye miembru de la Fundación Belenos y del Conseyu Editorial de la revista «Asturies. Memoria encesa d’un País». Profesionalmente dedícase al desarrollu rural. Amás d’abondosos artículos, trabayos y cuentos en revistes y volú-menes coleutivos, tien publicaos los llibros «El cai nunca duerme» (1989), «Cuentos de la nevera» (1997) y «El Concejo de Muros del Nalón» (2003).

Cuentos de la nevera publicóse orixinalmente nel 1997, axuntando once rellatos que volvemos presentar equí, rescataos del olvidu y la descatalogación editorial, nuna galería de personaxes que discurren peles narraciones como espectros fracasaos de l’Asturies de la crisis de la década de los noventa del pasáu sieglu, volviendo a resurdir de les cenices nesta nueva recesión na que se mueven lliterariamente como zombis nel so elementu: una tierra a la deriva na baxamar de la so historia. Xosé Nel Riesgo (Avilés, 1963) ye xeógrafu especializáu n’ordenación territorial y narrador de raza.Cuentos de la nevera publicóse orixinalmente nel 1997, axuntando once rellatos que volvemos presentar equí, rescataos del olvidu y la descatalogación editorial, nuna galería de personaxes que discurren peles narraciones como espectros fracasaos de l’Asturies de la crisis de la década de los noventa del pasáu sieglu, volviendo a resurdir de les cenices nesta nueva recesión na que se mueven lliterariamente como zombis nel so elementu: una tierra a la deriva na baxamar de la so historia. Xosé Nel Riesgo (Avilés, 1963) ye xeógrafu especializáu n’ordenación territorial y narrador de raza.