Publicada en 1928, é unha das obras máis emblemáticas e importantes da narrativa galega. O protagonista, un comerciante chamado Celidonio Latas Tinajero, consegue ir ascendendo na escala social ata chegar a alcalde da vila de Oria, trasunto da Ourense natal de Risco. Á zafiedade e ignorancia deste comerciante, opónselle a personalidade do doutor Alveiros, representante da vida intelectual. Na súa obra, Risco satiriza o gregarismo e a vulgaridade, a sociedade burguesa, a hipocrisía dos políticos e a homoxeneización das ideas.

LITERATURA: Hª, TEORIA, CRITIC

Un dos libros máis vivos e suxestivos de Vicente Risco, un diario no que o teórico do nacionalismo galego nos vai dando, ademais do relato dos sucesos que viviu, as impresións que estes causan e as moitas e orixinais ideas que lle suxiren. Escrito nunha prosa dunha enxebreza sintáctica dificilmente igualable, contén ademais toda a orixinalidade, a independencia e a agudeza características do pensamento do escritor galego.

¿Queres saber o que hai que facer para lle arrincar tres pelos ao demo? Velaquí un libro que che fala disto e doutras moitas cousas que aconteceron no tempo no que os reis saían dacabalo polos seus dominios, as princesas casaban con labregos bos e intelixentes, e as pedras gardaban portas máxicas para atopar tesouros. Tres contos marabillosos escritos hai moitos anos por Vicente Risco e que agora, por primeira vez, se fan libro.

LITERATURA: Hª, TEORIA, CRITIC

A súa obra gráfica, constituída por centos e centos de debuxos, é un xeito de entender a realidade circundante e de relacionarse co mundo. Unha ollada chea de matices que reflicten as múltiples facetas da obra e a personalidade do escritor.

Baseadas en lendas e crenzas populares, como a do lobishome e a dos mouros gardadores de tesouros fabulosos, moitas destas narracións vencéllanse coa nosa imaxinación colectiva como pobo. Noutras o autor adiántase ao seu tempo para facer unha parodia crítica e mordaz, maxistral e divertida, dos comportamentos, roles e obsesións da sociedade de hoxe. Este libro inclúe algúns dos relatos máis admirados do autor ourensán, como "Do caso que lle aconteceu ó doutor Alveiros", "O lobo da xente", "A trabe de ouro e a trabe de alquitrán" e "Os europeos de Abrantes".

LITERATURA: Hª, TEORIA, CRITIC