Fernando Aire Xalbador (Urepele, 1920-1976) XX. mendean Euskal Herriko pertsonarik paradigmatikoenetakoa dugu. Artzain eta laborari, ehiztari eta bertsolari, tradiziozale eta berritzaile, isila eta dixolaria, latza eta sentibera, eskolarik gabeko eta goi mailako poeta, mistikaraino omen iritsitako herriko fededuna.Lan honetan, Xalbador erlijio- eta sinesmen-esperientziaren ikuspuntutik aztertuko dut, behar denean, beste ikuspuntu batzuetarako ihesaldiak ekidin gabe.

2017ko Gogoeta Astean egindako hitzaldiak eskaintzen dizkizuegu liburu honetan. Jesukristoren salbazio-mezua gardendu eta sakontzeko ahalegintxo bat. Borondaterik onenaz.Ahalegin horretan apustu bat egiten dugu: giza sufrimendu zein mugei edota gaurko gizakien salbazio-beharrei adi egon nahi dugu, kristau mezu humanizatzaile(ago) baten bila, sinesmen-mezuak Kristoren Espirituaren araberako humanizatzaileak ez badira, ez baitira salbazio- edota kristau mezua. Helburu humanizatzaile hori euskal izaeratik eskaini eta zabaldu nahi dugu. Eta ez gara Jainkoaren salbazioaren zabaltzaile egokiak izaten, gure herrikoek, euskal herrikoek, kasu, beraien nortasun edo kultura -euskara barne- maite ditugula antzematen ez baitigute.

Gogoeta Astean parte hartzen dugunok urtero biltzen den kristau talde bat gara. Kristau mezu zein esperientziaren inguruan hausnartu, elkarrizketatu eta otoitz egiten dugu. Hitzaldiak, otoitzak eta gure arteko elkarrizketak euskaraz egiten ditugu, gaur egun Euskal Herria maitatzea euskal kultura eta hizkuntza lantzean gauzatzen da eta.Jainko errukitsuaren erreinuaz lan egin dugu. Gaia ezin aproposagoa, Frantzisko Aita Santuak behin eta berriz aholkatzen baitugu, gaur egunean, Jainkoaren errukiaren inguruan berriztatu behar dugula kristau mezua, nola gauzatu Jainkoaren errukia gaurko pobreen artean, nola ebanjelizatu, nola elkarrekin bizi.

Lehen Gogoeta Astea 1985ean egin zen, eliz senak eraginik. Bere helburua da, mundua eta gure herria nondik nora doazen begiratuz, Ebanjelioak gaur eta hemen zein mezu duen hausnartzea. Alegia, Jesusek bizi eta erakusten digun Jainkoa nola dagoen errotua gure munduaren barne-muinetan, gure Elizaren argi-ilunetan, Eukal Herriaren nahi eta ezinetan, gutako bakoitzaren historioan.
Gogoeta Astean, hitzak eta isiltasunak leku egiten diote elkarri: hitzaldietan entzundakoa barneratzeko otoitza izan ohi da ardatza, hausnarketa eta solasa girotu eta jazten dituena.